গুৱাহাটী, 3 ডিচেম্বৰ : শুক্ৰবাৰৰ পৰা চন্দ্ৰপুৰত আৰম্ভ হৈছে সৌমিট্ট’ আচঁনিৰ (Survey of Villages and Mapping with Improvised Technology in Village Areas) চমুকৈ 'SVAMITVA'ৰ কাম ৷ অসমৰ গাঁওসমূহৰ মেপ তথা জনসাধাৰণৰ ভূমিৰ জোখ-মাখ নিৰূপণৰ অৰ্থে(Survey of villages and mapping in village areas) কেন্দ্ৰীয় চৰকাৰে ‘সৌমিট্ট’ আচঁনি আৰম্ভ কৰে ৷ এই আঁচনিৰ অধীনত চন্দ্ৰপুৰ ৰাজহ চক্ৰৰ দুখন গাঁৱৰ ফটো ড্ৰোণেৰে সংগ্ৰহ কৰা হয়(surveying the land parcels in rural inhabited area using Drone technology)।
ইতিমধ্যে কেন্দ্ৰীয় চৰকাৰৰ জৰীপ বিভাগৰ বিষয়া-বৰ্গৰ উপৰিও চন্দ্ৰপুৰ ৰাজহ চক্ৰ বিষয়াৰ উপস্থিতিত চন্দ্ৰপুৰ আৰু 2 নং চন্দ্ৰপুৰ গাঁৱৰ ড্ৰোণেৰে ফটো তোলা কাম সম্পূৰ্ণ কৰা হয় ৷ চন্দ্ৰপুৰ ৰাজহ চক্ৰ বিষয়া জিন্তু বৰাৰ মতে আগন্তুক জানুৱাৰী মাহৰ ভিতৰত ‘সৌমিট্ট’ আচঁনিৰ অধীনৰ ৰাজহ চক্ৰটোৰ জোখ-মাখৰ সকলোধৰণৰ কাম-কাজ সমাপ্ত কৰিব কৰা হ'ব । আনহাতে, বিগত অক্টোবৰ মাহৰ পৰা সোণাপুৰৰ ৰাজহ চক্ৰত চলি আছে ‘সৌমিট্ট’ আচঁনিৰ অধীনত ভূমিৰ জোখ-মাখ ।
উল্লেখ্য যে এই আঁচনিখনৰ জৰিয়তে গাঁৱৰ প্ৰত্যেক ব্যক্তিৰে সম্পত্তি নিৰ্ধাৰণ কৰা হ’ব, গাঁওসমূহৰ সীমা নিৰূপণ কৰা হ’ব আৰু প্ৰস্তুত কৰা হ’ব প্ৰত্যেক গাঁৱৰে একোখনকৈ মেপ । এই আঁচনিখনৰ জৰিয়তে ব্যক্তিৰ গ্ৰামাঞ্চলৰ সা-সম্পত্তিৰ উপৰি গাওঁ পঞ্চায়ত আৰু ৰাজহুৱা সা-সম্পত্তি যেনে ৰাস্তা, পুখুৰী, বিদ্যালয়, অংগনবাড়ী কেন্দ্ৰ, স্বাস্থ্য উপকেন্দ্ৰ আদি সকলো জৰীপৰ ব্যৱস্থা কৰা হ’ব(provide rural people with the right to document their residential properties )।
লগতে পঢ়ক: Scam in PMGSY scheme at Sarupathar : গৃহহীনে নাপায় চৰকাৰী গৃহ
