গুৱাহাটী, 7 মে': গুৱাহাটী বিশ্ববিদ্যালয় চৌহদত দুৰ্বৃত্তৰ আক্ৰমণৰ বলি হ'ল চীনৰ এগৰাকী অধ্যাপক । ২০-২৫ জনীয়া দুৰ্বৃত্তৰ আক্ৰমণত গুৰুতৰভাৱে আহত হয় চীনৰ ৱান লি বিশ্ববিদ্যালয়ৰ অধ্যাপক প্ৰণৱ কুমাৰ বৰুৱা। কিছুদিনৰ বাবে ঘৰলৈ অহা অসম সন্তান চীনৰ ৱান লি বিশ্ববিদ্যালয়ৰ অধ্যাপক প্ৰণৱ কুমাৰ বৰুৱাই চিকিৎসা সংক্ৰান্তত সোমবাৰে গৈছিল গুৱাহাটী বিশ্ববিদ্যালয় চিকিৎসালয়লৈ ৷ চিকিৎসকৰ চেম্বাৰত সোমোৱাক কেন্দ্ৰ কৰিয়েই চিকিৎসাৰ বাবে যোৱা অধ্যাপকগৰাকীৰ সৈতে বাক্ বিতণ্ডাত লিপ্ত হয় দুগৰাকী যুৱক ৷
তাৰ পাচতে চিকিৎসকৰ পৰামৰ্শ গ্ৰহণ কৰি ওলাই আহোতেই এটা ২০-২৫ জনীয়া দুৰ্বৃত্তৰ দলে আক্ৰমণ চলায় প্ৰণৱ কুমাৰ বৰুৱাৰ ওপৰত। ইপিনে আক্ৰমণকাৰী দুৰ্বৃত্তৰ দলটো গুৱাহাটী বিশ্ববিদ্যালয়ৰ ছাত্ৰ বুলি অভিযোগ অধ্যাপকগৰাকীৰ। ইফালে ঘটনা সন্দৰ্ভত জালুকবাৰী আৰক্ষী চকীত এজাহাৰ দাখিল কৰিছে অধ্যাপকগৰাকীয়ে ৷
