গুৱাহাটী, 25 নৱেম্বৰ : মহানগৰীৰ গড়চুক আৰক্ষীয়ে বৃহস্পতিবাৰে সন্ধিয়া আই এছ বি টি(ISBT)ত অভিযান চলাই বৃহৎ পৰিমাণৰ নিষিদ্ধ হেৰ’ইন(heroin)জব্দ কৰে (Drugs seized at ISBT Guwahati) । গড়চুক আৰক্ষীয়ে গোপন সূত্ৰৰ ভিত্তিত আই এছ বি টি( ISBT)ৰ MN 04 P 0844 নম্বৰৰ বাছত এই নিষিদ্ধ ড্ৰাগছ সৰবৰাহ কৰাৰ খৱৰ লাভ কৰে । ইয়াৰ পাছতেই অভিযানকাৰী দলটোৱে বাছখনত অভিযান চলাই হেৰ’ইনখিনি জব্দ কৰে (police seized heroin) ।
গড়চুক আৰক্ষীয়ে মণিপুৰৰ পৰা গুৱাহাটী অভিমুখী এখন বাছত চাবোনৰ বাকচৰ ভিতৰত 10 টা পেকেটত 150 গ্ৰাম নিষিদ্ধ ড্ৰাগছ উদ্ধাৰ কৰে । গুৱাহাটী আৰক্ষী আয়ুক্তালয়ৰ উপ আৰক্ষী আয়ুক্ত(Deputy police commissioner of Guwahati police ) নৱনীত মহন্তৰ নেতৃত্বত আৰক্ষীৰ দলটোৱে চলাইছিল এই অভিযান ।
গড়চুক আৰক্ষীয়ে বাছখনত নিষিদ্ধ ড্ৰাগছসমূহ কঢ়িয়াই অনাৰ অভিযোগত বাছখনৰ দুই কৰ্মচাৰী মহম্মদ ৰেকিব আৰু মহম্মদ ইবুমক গ্ৰেপ্তাৰ কৰে । সম্প্ৰতি ঘটনা সন্দৰ্ভত আৰক্ষীয়ে গড়চুক থানাত এটা গোচৰ ৰুজু কৰি তদন্ত অব্যাহত ৰাখিছে ।
লগতে পঢ়ক : Drugs Seized :বোকাজানত প্ৰায় 12 কোটি টকাৰ হেৰ’ইন জব্দ
