গুৱাহাটী, ২৩ ডিচেম্বৰ: ভাৰতবৰ্ষৰ নিৰ্বাচনী ৰাজনীতিৰ ক্ষেত্ৰ নত ইতিমধ্যে 'চাণক্য' ৰূপে পৰিচিত হোৱা প্ৰশান্ত কিশোৰ হ'ব পাৰে নৱ গঠিত অসম জাতীয় পৰিষদৰ নিৰ্বাচনী কৌশল ৰচোতা । অৱশ্যে এই পৰ্যন্ত আনুষ্ঠানিকভাৱে এইগৰাকী ৰাজনৈতিক পৰিকল্পনাকাৰীৰ সৈতে কোনোধৰণৰ চুক্তি হোৱা নাই নৱগঠিত দলটোৰ । সেই বাবেই দলীয় নেতৃত্বয়ো মুখ খুলিব খোজা নাই এই প্ৰসংগত । কিন্তু দলটোৰেই এক কৰ্তৃত্বশীল সুত্ৰই ই টিভি ভাৰতৰ আগত প্ৰকাশ কৰা মতে, ইতিমধ্যে প্ৰশান্ত কিশোৰৰ সৈতে দলীয় নেতৃত্বই কেইবাবাৰো এই প্ৰসংগত অনানুষ্ঠানিক বৈঠকত মিলিত হৈছে ।
উল্লেখ্য যে, সদৌ অসম ছাত্ৰ সন্থাৰ নেতৃত্ব বহন কৰি থকা দিনৰে পৰা লুৰিণজ্যোতি গগৈৰ সৈতে প্ৰশান্ত কিশোৰৰ আছে এক মধুৰ বন্ধুত্বপূৰ্ণ সম্পৰ্ক । ঠিক তেনেদৰে জাতীয় পৰিষদৰ নৱনিৰ্বাচিত সাধাৰণ সম্পাদক তথা প্ৰাক্তন মন্ত্ৰী জগদীশ ভূঞাৰ সৈতেও প্ৰশান্ত কিশোৰৰ এক পুৰণি সুসম্পৰ্ক আছে বুলি জানিব পৰা গৈছে ।
অন্য এক খবৰৰ বাবে:জনতা ভৱনক এৰাই চলিছে বিপিএফৰ তিনি মন্ত্ৰীয়ে
