গুৱাহাটী, ২৬ মেঃ COVID-১৯ ৰ আতংকৰ মাজতেই মঙলবাৰ অৰ্থাৎ ২৬ মে'ৰ পৰা শিক্ষা বিভাগে ছাত্ৰ-ছাত্ৰীৰ মাজত বিতৰণ কৰিব বিনামূলীয়া পাঠ্যপুথি । সোমবাৰে এক জাননী জাৰি কৰি এই কথা প্ৰকাশ কৰিছে মাধ্যমিক শিক্ষা বিভাগে ।
মাধ্যমিক শিক্ষা বিভাগৰ অধীনস্থ সকলো চৰকাৰী আৰু স্বীকৃতিপ্ৰাপ্ত শিক্ষানুষ্ঠানৰ উচ্চতৰ মাধ্যমিক দ্বিতীয় বৰ্ষৰ শিক্ষাৰ্থী সকলক ২৬ মে'ৰ পৰা ২৮ মে'লৈ বিতৰণ কৰা হ'ব বিনামূলীয়া পাঠ্যপুথি ।
সকলো শিক্ষাৰ্থীয়ে COVID-১৯ ৰ স্বাস্থ্য বিধি মানি নিজৰ নিজৰ বিদ্যালয় বা নিৰ্ধাৰিত স্থানৰ পৰা পাঠ্যপুথি সমূহ সংগ্ৰহ কৰিব পাৰিব বুলি জাননীত উল্লেখ কৰা হৈছিল ।
