গুৱাহাটী, 25 আগষ্টঃ হোমৱৰ্ক সম্পূৰ্ণ কৰিব নোৱাৰাৰ বাবেই আঘাতপ্ৰাপ্ত ছাত্ৰক প্ৰহাৰ শিক্ষকৰ৷ আদাবাৰী তিনিআলিস্থিত শ্ৰী সত্যম চিনিয়ৰ চেকেণ্ডেৰী স্কুলৰ চতুৰ্থ শ্ৰেণীৰ এজন ছাত্ৰক প্ৰহাৰৰ অভিযোগত এজাহাৰ দাখিল৷ উল্লেখ্য যে, গৰম বন্ধৰ সময়ছোৱাত খেলি থাকোতে ছাত্ৰজন আঘাতপ্ৰাপ্ত হয় । যাৰ বাবে অসম্পূৰ্ণ হৈ ৰয় হোমৱৰ্ক। ছাত্ৰজনৰ মাতৃয়ে এই কথা স্কুল কৰ্তৃপক্ষক জনায় যদিও এগৰাকী শিক্ষয়িত্ৰীয়ে আঘাতপ্ৰাপ্ত ছাত্ৰজনৰ হাতত প্ৰহাৰ কৰাৰ অভিযোগ উঠিছে৷ তাৰোপৰি বিদ্যালয়ত প্ৰৱেশটো নিষিদ্ধ কৰে ছাত্ৰজনে ।
আহত ছাত্ৰক প্ৰহাৰ কৰি বিতৰ্কত শ্ৰীসত্যম চিনিয়ৰ চেকেণ্ডেৰী স্কুল
এই ঘটনাৰ পিছতেই ক্ষোভিত হৈ পৰে পৰিয়ালৰ লোক৷ আনহাতে ঘটনা সন্দৰ্ভত জালুকবাৰী আৰক্ষী থানাত এজাহাৰ দাখিল কৰে পৰিয়ালে ৷ উক্ত এজাহাৰৰ ভিত্তিত জালুকবাৰী আৰক্ষীয়ে এটা গোচৰ ৰুজু কৰি আৰম্ভ কৰিছে তদন্ত প্ৰক্ৰিয়া ।
