গুৱাহাটী, 23 জুন : শ্ৰীমন্ত শংকৰদেৱ কলাক্ষেত্ৰত ৰাজ্যিক বিজেপিৰ অসম জন সম্বোধন । অসম জন সম্বোধনৰ জৰিয়তে ভাৰতীয় জনতা পাৰ্টি, অসম প্ৰদেশৰ প্ৰথমখন ভাৰ্চুৱেল ৰেলী আজি অনুষ্ঠিত হৈ যায় । পাঞ্জাৱৰীৰ পৰা অসমৰ মুখ্যমন্ত্ৰী আৰু দিল্লীৰ পৰা ভাৰতীয় জনতা পাৰ্টীৰ ৰাষ্ট্রীয় সভাপতি জে পি নাড্ডাই সম্বোধন কৰে অসম জন সম্বোধন ভাৰ্চুৱেল ৰেলী । মুখ্যমন্ত্ৰীগৰাকীয়ে ভাৰ্চুৱেল ৰেলীৰ জৰিয়তে ৰাজ্যবাসীক কয় যে, ৰাজ্যত বিজেপি চৰকাৰ অহাৰ পাছতেই উন্নতিৰ দিশে আগবাঢ়িছে অসম ৷
বিজেপিৰ যি মূলমন্ত্ৰ ৰাখিছিল তাৰ দ্বাৰাই, দুৰ্নীতি মুক্ত অসম, সন্ত্ৰাসবাদ নিৰ্মূল, প্ৰদূষণ মুক্ত, বিদেশীমুক্ত ৰাজ্য আৰু নিৰ্মাণকামী ৰাজ্য হিচাপে গঢ় দিছে ৷ কংগ্ৰেছৰ দিনত ৰাজ্যত চাৰিখন চিকিৎসা মহাবিদ্যালয় আছিল যদিও বিজেপি চৰকাৰ দিনত ৮ খন হ’ল ৷ আনহাতে বিজেপিৰ ৰাষ্ট্ৰীয় সভাপতি জে পি নাড্ডাই পোনপ্ৰথমে চীন সীমান্তত মৃত্যু হোৱা শ্বহীদক শ্ৰদ্ধা জনায় ৷ লগতে কৰ'ণা আক্ৰান্ত আৰু মৃত্যু হোৱা সকলোকে শ্ৰদ্ধা জনায় আৰু মা কামাখ্যা আৰ্শীবাদ লৈ সকলোৱে যাতে কৰ'ণা বিৰুদ্ধে যুঁজ দিব পাৰে তাৰ বাবে প্ৰাৰ্থনা জনায় ৷
আনহাতে ডিজিটেল মিডিয়াযোগে সকলো সেৱা আগবঢ়াই অহা সাংসদ, জিলা মেয়ৰ, ব্লক পৰ্যায়লৈকে ডিজিটেল মিডিয়া যোগে সেৱা আগবঢ়াই যাবলৈ সক্ষম হোৱাটোত আদৰণি জনাইছে সভাপতি গৰাকীয়ে । লগতে বিজেপি চৰকাৰে ১০ কোটি পৰিয়ালৰ কাষলৈ গৈ মোডী ভাৰতৰ বিকাশৰ হাত আগবঢ়োৱাৰ কথা উল্লেখ কৰে । মোডী চৰকাৰে কেৱল দেশৰ বিকাশ কৰাই নহয় মানদণ্ড সলনি কৰি দিছে ৷ ৬ দশকৰ ভোকৰ কাম মোডীয়ে কৰি দিছে ৷ মোডীয়ে কেৱল দেশক আগুৱাই নিয়াই নহয় দেশক এক শক্তিশালী দেশ হিচাপে গঢ় দিছে ৷
আনহাতে ৰাষ্ট্ৰীয় সভাপতি জে পি নাড্ডাই কয় যে ৮ কোটি মহিলাক ৰন্ধন গেছ দিয়া লগতে বিধৱা মহিলা আৰু বিকলাংগ লোকসকলৰ একাউণ্টত ১ হাজাৰ টকাকৈ দিয়াৰ লগতে ২০ হাজাৰ কোটি পেকেজৰ বিষয়েও জানিবলৈ দিয়ে ৷ লগতে আত্মনিৰ্ভৰশীল বাঁহৰ উদ্যোগ ক্ষেত্ৰখনৰ দ্বাৰা অসমক আত্মনিৰ্ভৰশীল কৰাৰ লগতে মুগা, তেল উদ্যোগৰে আত্মনিৰ্ভৰশীল কৰিব পাৰিব বুলিও ভাষণৰ জৰিয়তে ৰাজ্যবাসীক জনালে জে পি নাড্ডাই ।
