গুৱাহাটী, 12 জুন : অসমত এক বিকল্প চৰকাৰৰ চিন্তাধাৰাৰে কাম হাতত লৈছে আম আদমি পাৰ্টীয়ে ৷ বিজেপি চৰকাৰৰ অপশাসন আৰু ভ্ৰষ্টাচাৰ ৰোধিবলৈ অসমত বিকল্প চৰকাৰৰ প্ৰয়োজন আছে ৷ শুকুৰবাৰে গুৱাহাটী প্ৰেছক্লাৱত এক সংবাদমেল আয়োজন কৰি এইদৰে মন্তব্য কৰে দলটোৱে ৷
বাঘজানত যি ঘটনা সংঘটিত হ'ল সেয়া দূৰ্ভাগ্যজনক ৷ অইলৰ ভুলৰ বাবে হোৱা বিস্ফোৰনে বহুলোকৰ ক্ষতিসাধন কৰিলে ৷ সেয়ে এইসকল লোকক ক্ষতিপূৰণ দিয়াৰ ব্যৱস্থা কৰক চৰকাৰে ৷ ইয়াৰ উপৰিও সমগ্ৰ ঘটনাক লৈ উচ্চ পৰ্যায়ৰ তদন্তৰ দাবী তুলিছে দলটোৱে ৷ সংবাদমেলতে দলটোৱে কয় যে, এইখন চৰকাৰৰ দিনত এমজিএনৰেগাত ব্যাপক দূৰ্নীতি সংঘটিত হৈছে ৷ জৱকাৰ্ডৰ জৰিয়তে গাঁৱৰ মানুহে কাম পাব লাগিছিল যদিও একাংশ লোকে টেক্টৰ, জেচিবি লগাই কাম সম্পাদন কৰিছে ৷ গতিকে এনে কাৰ্য বন্ধ কৰাৰো দাবী তুলে আম আদমি পাৰ্টীয়ে ৷
লগতে পঢ়কঃ হৃদৰোগত আক্ৰান্ত কোভিড-19 ৰোগীৰ মৃত্যুৰ সম্ভাৱনা অধিক
