বাইহাটা, 4 জুন : কামৰূপ জিলাৰ হাজোত সেনাৰ বেশত ড্ৰাগছ সৰবৰাহৰ সন্দৰ্ভত কামৰূপ জিলা আৰক্ষী অধীক্ষকৰ সংবাদমেল । বিলাসী বাহনত ভাৰতীয় সেনাৰ লগ' ব্যৱহাৰ কৰি চাইৰেন বজাই আৰক্ষীৰ চকুত ধূলি দি ড্ৰাগছ সৰবৰাহ কৰিব বিচৰা ড্ৰাগছ মাফিয়া সন্দৰ্ভত অনেক চাঞ্চল্যকৰ তথ্য ।
হাজো আৰক্ষীৰ জালত পৰা ড্ৰাগছ সৰবৰাহকাৰী নাৰায়ণ চন্দ্ৰ কলিতাই দীৰ্ঘদিন ধৰি চলাই আহিছিল এই ক’লা বেহা । ভাৰতীয় সেনাৰ বাবে ক'ভিড ভেকচিন কঢ়িয়াই নিয়াৰ চলেৰে ড্ৰাগছ সৰবৰাহ কৰিছিল ধৃত নাৰায়ণে । বুধবাৰে সন্ধিয়া হাজো আৰক্ষী থানাৰ সন্মুখত হাজো আৰক্ষীৰ নিয়মীয়া নাকা চেকিঙত নাৰায়ণ কলিতা আৰক্ষীৰ জালত পৰে । নাৰায়ণক লগত লৈ মহানগৰীৰ বশিষ্ঠৰ নালাপাৰত নাৰায়ণৰ ভাড়াঘৰত হাজো আৰক্ষীয়ে তালাচী অভিযান চলাইছিল ।
অভিযান কালত জব্দ হ'ল বৃহৎ পৰিমাণৰ নিচাযুক্ত টেবলেট । লগতে আৰক্ষীয়ে জব্দ কৰিবলৈ সক্ষম হয় এটা এয়াৰ গান, কেইবাযোৰ সেনাৰ পোছাক আৰু আন এখন ভাৰতীয় সেনাৰ লগ' সম্বলিত চাৰি চকীয়া বাহন লগতে ভুৱা নাম্বাৰপ্লেট । বশিষ্ঠৰ নালাপাৰত ড্ৰাগছৰ এক বৃহৎ ঘাটি থকাৰো ইংগিত কামৰূপ জিলাৰ আৰক্ষী অধীক্ষক হিতেশ ৰয়ৰ ।
লগতে পঢ়ক : ধেমাজিত গ্ৰেপ্তাৰ NLFB ৰ দূৰ্ধষ কেডাৰ টাইগাৰ
