মৰাণ,13 জুলাই : পুনৰ জনজাতিকৰণৰ পৰা বঞ্চিত হ'ল অসমৰ ছয় জনজাতি । কেন্দ্রীয় চৰকাৰৰ বঞ্চনাৰ বলি হ'ল মটক, মৰাণ, টাই আহোম, চুতীয়া, কোঁচ ৰাজবংশী আৰু চাহ জনগোষ্ঠী । প্ৰতিবাদত উত্তাল সমগ্ৰ ৰাজ্য । ডিব্ৰুগড়ৰ লাহোৱালত সদৌ অসম মটক যুৱ-ছাত্ৰ সন্মিলনৰ তীব্ৰ প্ৰতিবাদ । ৩৭ নং ৰাষ্ট্ৰীয় ঘাইপথ অৱৰোধ ।
দেশৰ প্ৰধানমন্ত্ৰী নৰেন্দ্ৰ মোডী, গৃহ মন্ত্ৰী অমিত শ্বাহ আৰু কেন্দ্ৰীয় জনজাতি মন্ত্ৰী অজুন মুণ্ডাৰ প্ৰতিমূৰ্তি দাহ । উল্লেখ্য যে, শেহতীয়াকৈ অৰুণাচলকে ধৰি কেইবাখনো ৰাজ্যৰ কেইবাটাও জনগোষ্ঠীক জনজাতিকৰণ কৰাত এইদৰে গৰজি উঠিছে ৰাজ্যৰ ছয় জনগোষ্ঠী ।
প্ৰধানকৈ মটক জনগোষ্ঠীক কেন্দ্ৰীয় চৰকাৰে জনজাতিকৰণ নকৰাৰ বাবেই ছাত্ৰ সংগঠনটোৱে এই প্ৰতিবাদ সাব্যস্ত কৰে । প্ৰায় এঘণ্টা ধৰি ৰাষ্ট্ৰীয় ঘাইপথ অৱৰোধ কৰি মটক যুৱ ছাত্ৰ সন্মিলনে বিভিন্ন চৰকাৰ বিৰোধী কাৰ্যৰে পৰিৱেশ উত্তাল কৰি তোলে ।
লগতে পঢ়কঃ পিতৃৰ অত্যাচাৰ সহিব নোৱাৰি আইনৰ কাষ চাপিল নিপা
