বিজনেছ ডেস্ক, 15 মে : দেশৰ প্ৰব্ৰজিত শ্ৰমিক, সৰু কৃষক আৰু দুখীয়া শ্ৰেণীৰ লোকৰ বাবে প্ৰদান কৰা উদ্দীপক পেকেজত ঘোষণা কৰা নহ'ল ভাড়াতীয়া কৃষকৰ বাবে কোনো সাহাৰ্য ৷ ভাড়াতীয়া কৃষকসকল সৰ্বাধিক অসুৰক্ষিত হোৱাৰ লগতে COVID 19 ৰ ফলত সংকটত ভোগা লোকসকলৰ ভিতৰত অন্যতম ৷ IIM-আহমেদাবাদত উপস্থিত হৈ এই মন্তব্য Centre for Management in Agriculture ৰ অধ্যাপক সুখপাল সিঙৰ ৷
সুখপাল সিঙে কয় যে, এই উদ্দীপক পেকেজ যথেষ্ট নহয় আৰু কৃষকৰ বিকাশৰ বাবে অধিক পেকেজ ঘোষণা কৰাৰ প্ৰয়োজন ৷
লক্ষ্যবস্তু চিন্তনীয় -
সিঙৰ মতে, NABARD ৰ জৰিয়তে প্ৰস্তাবিত অতিৰিক্ত পুনঃবিত্ত সমৰ্থনৰ 30,000 কোটিয়ে দেশৰ 11 কোটি কৃষকৰ কেৱল 3 কোটি কৃষককহে সহায় কৰিব ৷
তেওঁ কয়, "এই সংকটৰ সময়ত অতিৰিক্ত অৰ্থনৈতিক পেকেজ ঘোষণা কৰাটো ভাল খবৰ, কিন্তু 3 কোটি সৰু কৃষকসকলক কিদৰে লক্ষ্য কৰি লোৱা হ'ল এই সম্পৰ্কত কোনো নিৰ্দিষ্ট তথ্য প্ৰদান কৰা নহ'ল ৷"
KCCৰ প্ৰভাৱশীলতা -
Kisan Credit Cards (KCCs) কেৱল 10-11 শতাংশহে বৈধ বুলি মন্তব্য কৰে সুখপাল সিঙে ৷ এনে পৰিস্থিতিত KCC ৰ ওপৰত নিৰ্ভৰ কৰি প্ৰদান কৰা আৰ্থিক সহযোগিতাসমূহ কম সংখ্যক কৃষকেহে লাভ কৰিব ৷ যিহেতু KCC য়ে নিজৰ মাটিত খেতি কৰা কৃষকসকলৰ বাবে কাম কৰে সেয়েহে আনুসংগিক মুক্ত ঋণেহে ভাড়াতীয়া কৃষকসকলক সহায় কৰিলেহেঁতেন ৷
কৃষি চপোৱাৰ পাচত বাণিজ্যিক সংকট -
সুখপালে কয়, "কৃষিক্ষেত্ৰত কৃষকসকলে সন্মুখীন হোৱা অতি গুৰুত্বপূৰ্ণ সমস্যা হৈছে বাণিজ্যিক সংকট ৷ আন্তঃগাঁথনিৰ অভাৱ, সঞ্চয় আৰু ক্ৰয় প্ৰক্ৰিয়াৰ সঠিক ব্যৱস্থাৰ অভাৱৰ বাবে চাহিদা আৰু যোগান প্ৰভাৱান্বিত হ'ব আৰু উৎপাদন বৃদ্ধি পালেও ক্ৰয়ৰ অভাৱত নষ্ট হ'ব ৷
ৰেচন কাৰ্ডৰ স্থানান্তৰ -
‘One nation one card’ ৰ জৰিয়তে ৰেচন কাৰ্ডক দেশৰ যিকোনো স্থানতে ব্যৱহাৰ কৰিব পৰাটো এক আদৰণীয় পদক্ষেপ বুলি মন্তব্য কৰে সুখপাল সিঙে ৷ কিন্তু, দুই মাহ পৰ্যন্ত চৰকাৰে বিনামূলীয়া ৰেচন প্ৰদান কৰিব লাগিছিল বুলি মন্তব্য কৰে সিঙে ৷
