গোৱাৰ হোটেলত উদ্ধাৰ মহিলা পৰ্যটকৰ মৃতদেহ

গোৱাৰ আৰেপাৰা গাঁৱৰ এখন হোটেলত উদ্ধাৰ হয় অলকা চাইনি নামৰ এগৰাকী মহিলাৰ মৃতদেহ ৷ মহিলাগৰাকীয়ে সুখেন্দৰ সিং নামৰ লোকজনৰ সৈতে গোৱালৈ ফুৰিবলৈ যোৱা বুলি জানিব পৰা গৈছে ৷

নিউজ ডেস্ক, 28 এপ্ৰিল : পশ্চিম গোৱাৰ আৰেপাৰা গাঁৱৰ এখন হোটেলত উদ্ধাৰ হয় এগৰাকী মহিলা পৰ্যটকৰ মৃতদেহ ৷ মহিলাগৰাকীৰ নাম অলকা চাইনি বুলি চিনাক্ত কৰা হৈছে ৷ মহিলাগৰাকীয়ে সুখেন্দৰ সিং নামৰ লোকজনৰ সৈতে গোৱালৈ ফুৰিবলৈ যোৱা বুলি জানিব পৰা গৈছে ৷ দেওবাৰে হোটেল কৰ্তৃপক্ষই মৃতদেহটো প্ৰত্যক্ষ কৰে আৰু আৰক্ষীক খবৰ দিয়ে ৷ আৰক্ষীয়ে মৃতদেহটো উদ্ধাৰ কৰি মেডিকেল কলেজলৈ মৰোণত্তৰ পৰীক্ষাৰ বাবে প্ৰেৰণ কৰে ৷

বৰ্তমানলৈ মহিলাগৰাকীৰ মৃত্যুৰ কাৰণ জানিব পৰা হোৱা নাই যদিও ঘটনা সন্দৰ্ভত আৰক্ষীয়ে তদন্ত আৰম্ভ কৰিছে ৷