ইণ্টাৰনেশ্যনেল ডেস্ক, ২৬ জুন : পাকিস্তানত সংঘটিত হৈছে এক অস্বাভাৱিক আৰু আশ্চৰ্যকৰ ঘটনা । এখন জুৱা খেলত অংশ লোৱাৰ অপৰাধত গ্ৰেপ্তাৰ হয় এটা গাধ । সংবাদদাতা নেলা ইনায়তে জুৱা খেলত অংশগ্ৰহণ কৰা অন্য লোকৰ সৈতে গাধটোৰ ভিডিঅ' টুইটাৰযোগে শ্বেয়াৰ কৰে । টুইটযোগে তেওঁ সম্পূৰ্ণ ঘটনাৰ বিৱৰণ দি পাকিস্তানৰ এটি সংবাদ সংস্থা সামা টিভিৰ এটি লিংকো শ্বেয়াৰ কৰে ।
পাকিস্তানৰ পঞ্জাৱ সীমান্তৰ ৰহিম য়াৰ খানত আৰক্ষীয়ে ৮ জন জুৱাৰীৰ সৈতে গাধটোক আটক কৰে বুলি জানিব পৰা গৈছে । জুৱা খেলৰ স্বত্বাধিকাৰে জুৱাৰীকেইজনৰ পৰা ১ লাখ টকা আদায় কৰে ।
আৰক্ষীয়ে জনোৱা মতে, জুৱাৰীকেইজনৰ সৈতে গাধটোৰ বিৰুদ্ধে ইতিমধ্যে গোচৰ ৰুজু কৰা হৈছে । সংবাদদাতাগৰাকীয়ে ভিডিঅ' শ্বেয়াৰ কৰাৰ পিছতে তেওঁৰ পোষ্টটিত বহু লোকে ধেমেলীয়া সুৰেৰে কমেণ্ট কৰা পৰিলক্ষিত হৈছে ।
