বৰপেটা, 20 মে': কলগাছিয়া আৰক্ষী থানাৰ ১০০ মিটাৰ নিলগত সোমবাৰে সংঘটিত হয় এক ভয়াৱহ পথ দুৰ্ঘটনা ৷ দুৰ্ঘটনাটোত গুৰুতৰভাৱে আহত হয় কলগাছিয়াৰ মাহমুদ আলীৰ 5 বছৰীয়া কন্যা মাহমুদা খাতুন ৷ মাহমুদাক ততাতৈয়াকৈ বৰপেটা অসামৰিক চিকিৎসালয়ত ভৰ্তি কৰোৱা হয় যদিও চিকিৎসকে তেওঁৰ অৱস্থা সংকটজনক বুলি জানিবলৈ দিয়ে ৷
কলগাছিয়াত ভয়াবহ পথ দুৰ্ঘটনা
জানিব পৰা মতে খৰিচালা গাঁৱৰ লিয়াকত আলীৰ পুত্ৰ ইমদাদুল হুছেইনে তেওঁৰ AS-19-E- 7955 নম্বৰৰ তীব্ৰ বেগী পালচাৰ বাইকখনৰ নিয়ন্ত্ৰণ হেৰুওৱাৰ ফলত এই দুৰ্ঘটনাতো সংঘটিত হয় ৷ স্থানীয় লোকে শীঘ্ৰে আৰক্ষীক খবৰ দিয়াত ঘটনাস্থলীত আৰক্ষী উপস্থিত হয় ৷ অনুজ্ঞাপত্ৰ অবিহনে বাইক চলোৱাৰ অপৰাধত বাইক সহিতে বাইক চালক ইমাদাদুলক আটক কৰে আৰক্ষীয়ে ৷
