নেশ্যনেল ডেস্ক, ২৮ জুন: জম্মু-কাশ্মীৰত সন্ত্ৰাসবাদী আৰু আৰক্ষীৰ সংঘৰ্ষৰ ভয়াৱহ পৰিণতি । পৰিয়ালসহ এগৰাকী আৰক্ষী বিষয়াই প্ৰাণ হেৰুৱালে সন্ত্ৰাসবাদীৰ গুলীত । দেওবাৰে নিশা এই ঘটনা সংঘটিত হয় । পুলৱামা জিলাত বিশেষ আৰক্ষী বিষয়া ফয়াজ আহমেদক আক্ৰমণৰ লক্ষ্য কৰি লয় সন্ত্ৰাসবাদীয়ে । কাশ্মীৰ আৰক্ষীয়ে টুইটযোগে এই কথা নিশ্চিত কৰিছে ।
দেওবাৰে নিশা প্ৰায় ১১.১৫ বজাত সন্ত্ৰাসবাদীয়ে আৰক্ষী বিষয়াজনৰ পুলৱামাৰ হৰিপাৰিগাম অৱন্তীপোৰাস্থিত বাসগৃহত প্ৰৱেশ কৰে । সন্ত্ৰাসবাদীয়ে আৰক্ষী বিষয়াজন, তেওঁৰ পত্নী ৰাজা বানো আৰু কন্যাৰ ওপৰত নিৰ্বিচাৰ গুলীচালনা কৰে । ফয়াজ আহমেদ থিতাতে নিহত হয় । সংকটজনক অৱস্থাত তেওঁৰ পত্নীক চিকিৎসালয়লৈ নিয়া হয় যদিও তেওঁৰ মৃত্যু হয় ।
-
#Terrorists barged into the house of SPO Fayaz Ahmad of Hariparigam Awantipora & fired #indiscriminately. In this #terror incident, he along with his wife & daughter recieved #critical gunshot injuries. Fayaz Ahmad #succumbed to his injuries. Area cordoned off. Search going on.
— Kashmir Zone Police (@KashmirPolice) June 27, 2021 " class="align-text-top noRightClick twitterSection" data="
">#Terrorists barged into the house of SPO Fayaz Ahmad of Hariparigam Awantipora & fired #indiscriminately. In this #terror incident, he along with his wife & daughter recieved #critical gunshot injuries. Fayaz Ahmad #succumbed to his injuries. Area cordoned off. Search going on.
— Kashmir Zone Police (@KashmirPolice) June 27, 2021#Terrorists barged into the house of SPO Fayaz Ahmad of Hariparigam Awantipora & fired #indiscriminately. In this #terror incident, he along with his wife & daughter recieved #critical gunshot injuries. Fayaz Ahmad #succumbed to his injuries. Area cordoned off. Search going on.
— Kashmir Zone Police (@KashmirPolice) June 27, 2021
আনহাতে, গুৰুতৰভাৱে আহত ফয়াজ আহমেদৰ কন্যাৰো সোমবাৰে পুৱা মৃত্যু হয় । সম্প্ৰতি জম্মু আৰু কাশ্মীৰ আৰক্ষীয়ে সন্ত্ৰাসবাদীৰ বিৰুদ্ধে অভিযান আৰম্ভ কৰিছে । ইয়াৰ পূৰ্বেও সন্ত্ৰাসবাদীয়ে এগৰাকী নিৰস্ত্ৰ আৰক্ষী বিষয়াক নামাজ পঢ়িবলৈ যোৱাৰ সময়তে গুলীয়াই হত্যা কৰিছিল ।
বিগত দিনবোৰত জম্মু-কাশ্মীৰত সন্ত্ৰাসবাদী আৰু নিৰাপত্তা বাহিনীৰ মাজত সংঘৰ্ষ ক্ৰমান্বয়ে বৃদ্ধি পাইছে । সন্ত্ৰাসবাদী আত্মগোপন কৰি থকা স্থানত আৰক্ষী আৰু সেনাই যুটীয়া অভিযান চলাই আহিছে । এই অভিযান কালত বহু সন্ত্ৰাসবাদী অভিযানকাৰীৰ দলৰ গুলীত ধৰাশায়ী হৈছে ।
আনহাতে, কাশ্মীৰৰ বিভিন্ন স্থানত অভিযান চলাই আৰক্ষীয়ে বিস্ফোৰক সামগ্ৰী জব্দ কৰিবলৈ সক্ষম হৈছে । এই আপত্তিজনক সামগ্ৰী ঘৰত মজুত ৰখাৰ অভিযোগত কেইবাজনো লোকক আটক কৰিছে আৰক্ষীয়ে । মুঠতে সন্ত্ৰাসবাদৰ ভেঁটি নিৰ্মূল কৰাৰ উদ্দেশ্যে কাশ্মীৰত অভিযান অব্যাহত আছে ।
লগতে পঢ়ক:ত্ৰিপুৰা আৰক্ষী আৰু চৰকাৰৰ বিৰুদ্ধে সৰৱ মানিক সৰকাৰ
