নেচনেল ডেস্ক, 23 জুন: আজি ভাৰতীয় জনসংঘৰ প্ৰতিষ্ঠাপক শ্যামা প্ৰসাদ মুখাৰ্জীৰ মৃত্যু বাৰ্ষিকী ৷ বুধবাৰে শ্যামা প্ৰসাদ মুখাৰ্জীৰ মৃত্যু বাৰ্ষিকীৰ দিনটোত তেওঁক স্মৰণ কৰি বিজেপিৰ ৰাষ্ট্ৰীয় সভাপতি জে পি নাড্ডাই কয় যে, মুখাৰ্জীয়ে দেশৰ একতা, অখণ্ডতা আৰু জম্মু-কাশ্মীৰক বচাবলৈ নিজৰ জীৱন নিয়োজিত কৰাৰ সময়ত অনুচ্ছেদ ৩৭০ আৰু অনুচ্ছেদ ৩৫এ বাতিল কৰাৰ বাবে এক আন্দোলন আৰম্ভ কৰিছিল । জনসংঘৰ প্ৰতিষ্ঠাপকগৰাকীক পুষ্পাঞ্জলি জ্ঞাপন কৰাৰ পিছত দলৰ মুখ্য কাৰ্যালয়ত দলীয় কৰ্মীসকলক সম্বোধন কৰি নাড্ডাই কয় যে, শ্যামা প্ৰসাদ মুখাৰ্জীয়ে অনুচ্ছেদ ৩৭০ আৰু অনুচ্ছেদ ৩৫এ বাতিল কৰিবলৈ এক আন্দোলন আৰম্ভ কৰিছিল ।
তেওঁ নিজৰ জীৱন দেশৰ একতা আৰু জম্মু-কাশ্মীৰৰ প্ৰতি সমৰ্পিত কৰিছিল ৷ উল্লেখ্য যে, কেন্দ্ৰ চৰকাৰে আগষ্ট 2019 ত জম্মু আৰু কাশ্মীৰক বিশেষ মৰ্যাদা প্ৰদান কৰা অনুচ্ছেদ 370 বাতিল কৰে ৷ লগতে পূৰ্বৰ ৰাজ্যখনক দুটা কেন্দ্ৰীয় শাসিত অঞ্চল ক্ৰমে জম্মু আৰু কাশ্মীৰ আৰু লাডাখত বিভক্ত কৰে ।
আইনখনত উল্লেখ আছে যে, জম্মু আৰু কাশ্মীৰৰ কেন্দ্ৰীয় শাসিত অঞ্চলৰ বিধানসভাত আসনৰ সংখ্যা 107 ৰ পৰা 114 লৈ বৃদ্ধি কৰা হ'ব আৰু সমষ্টিসমূহৰ পুনৰ নিৰ্ধাৰণৰ সিদ্ধান্ত নিৰ্বাচন আয়োগে নিৰ্ধাৰণ কৰিব । তদুপৰি দলটোৱে আজিৰ পৰা শ্যামা প্ৰসাদ মুখাৰ্জীৰ জন্ম জয়ন্তীলৈকে বৃক্ষৰোপণ অভিযান আৰম্ভ কৰিছে ৷ বিজেপি হৈছে দেশৰ এক আত্মা দল, যি সমাজ আৰু পৰিৱেশৰ প্ৰতি ইয়াৰ দায়বদ্ধতা বুজি পায় আৰু ইয়াৰ কৰ্মীসকলক সামাজিক কামত নিয়োজিত কৰে বুলি নাড্ডাই প্ৰকাশ কৰে ।
নাড্ডাই লগতে কয় যে, "দেশত কেইবাটাও দল আছে যাৰ একমাত্ৰ লক্ষ্য হৈছে ৰাজনীতি কৰা । কিন্তু বিজেপি এটা আত্মা দল যাৰ এটা সামাজিক দিশো আছে । আমি সমাজক সেৱা কৰাৰ লক্ষ্যৰ দিশতো কাম কৰি আছো ।
সেয়েহে 'সেৱা হি সংগঠন' হওক বা ৰক্তদান হওক, মানুহক অক্সিজেন প্ৰদান কৰা হওক বা ঘৰে ঘৰে মানুহক খাদ্য যোগান ধৰা আদি সকলো ক্ষেত্ৰত আমাৰ কৰ্মীয়ে আগভাগ লৈ আহিছে । বিজেপিয়ে নিজৰ কৰ্মীসকলক সামাজিক কামৰ বাবে প্ৰস্তুত কৰে ৷ আজি শ্যামা প্ৰসাদ মুখাৰ্জীৰ মৃত্যু বাৰ্ষিকী উপলক্ষে আৰু ৬ জুলাইত তেওঁৰ জন্ম জয়ন্তী উপলক্ষে বৃক্ষৰোপণ অভিযানৰ শুভাৰম্ভ কৰাটোৱে প্ৰতিপন্ন কৰে যে, ৰাজনৈতিক কাৰ্যকলাপৰ উপৰিও দলটোৱে সমাজ আৰু পৰিৱেশৰ প্ৰতি নিজৰ দায়বদ্ধতা বুজি পায় আৰু ইয়াৰ কৰ্মীসকলক এনে কাৰ্যকলাপত অৰিহণা যোগাবলৈ উৎসাহিত কৰে" ৷
