চিটাৰা ডেস্ক, 23 মাৰ্চ: টিভিৰ জনপ্ৰিয় ব্যৱসায়িক অনুষ্ঠান শ্বাৰ্ক টেংক ইণ্ডিয়া ২ ৷ শ্বাৰ্ক টেংক ইণ্ডিয়া ২ বৰ্তমান সময়ত সমগ্ৰ ভাৰততে জনপ্ৰিয় হৈ পৰিছে । শ্ব’টোৰ প্ৰত্যেকগৰাকী বিচাৰকে নৱপ্ৰজন্মৰ ওপৰত ব্যাপকভাৱে প্ৰভাৱ পেলোৱা পৰিলক্ষিত হৈছে ৷ এই শ্ব’টোৰ জৰিয়তে নৱ প্ৰজন্মই নিজৰ কেৰিয়াৰত আগুৱাই যোৱাৰ বাট মুকলি হৈছে ৷ এই শ্ব’টোৰ পৰা প্ৰেৰণা লৈ বহুতে অতি কম টকাৰেও ব্যৱসায় আৰম্ভ কৰিছে (Shark tank India 2 judge) ।
কিন্তু শেহতীয়াকৈ শ্ব’টোৰ সম্পৰ্কে এটা খবৰ লাভ কৰা হৈছে ৷ শ্ব’টোৰ বলিষ্ঠ বিচাৰক তথা Shaadi.com ৰ প্ৰতিষ্ঠাপক অনুপম মিত্তল দুৰ্ঘটনাত পতিত হৈছে (Shark tank india 2 judge Anupam Mittal) ৷ ছ’চিয়েল মিডিয়াত অনুৰাগীক নিজেই এই তথ্য শ্বেয়াৰ কৰিলে অনুপম মিত্তলে ৷
অনুপম মিত্তলে স্বাস্থ্যৰ বিষয়ে জনালে অনুৰাগীক
সামাজিক মাধ্য়মত এটা ফটো কলাজ ভিডিঅ শ্বেয়াৰ কৰিছিল অনুপমে (Shark Tank India 2) ৷ অনুপমে শ্বেয়াৰ কৰা ছবিসমূহত তেওঁৰ হাতত আঘাত পোৱা পৰিলক্ষিত হয় ৷ য’ত অনুপমক কেতিয়াবা হাস্পতালৰ বিচনাত শুই থকা দেখা যায়, আন কেতিয়াবা আকৌ পেশীৰ প্ৰদৰ্শন কৰা দেখা পোৱা যায় । জানিব পৰা মতে শ্বাৰ্ক টেংক ইণ্ডিয়া ২ৰ বিচাৰকগৰাকীৰ হাত ভাঙিছিল ৷ অৱশ্যে বৰ্তমান কিছু সুস্থ হৈ উঠিছে বিচাৰকগৰাকী ৷ অনুপমে ফটো কলাজৰ ভিডিঅ’টো শ্বেয়াৰ কৰি লিখিছে, ‘আপোনালোক সকলোৰে প্ৰাৰ্থনাৰ বাবে ধন্যবাদ আৰু মই লাহে লাহে সুস্থ হৈ উঠিছো’।
- " class="align-text-top noRightClick twitterSection" data="
">
এই খবৰৰ পিচতে চিন্তিত হৈ পৰে অনুৰাগীসকল
এই খবৰ ছ’চিয়েল মিডিয়াত শ্বেয়াৰ কৰাৰ পিচতে অনুপমৰ আশু আৰোগ্য কামনা কৰিছে অনুৰাগীসকলে । অৱশ্যে আন একাংশ ছ’চিয়েল মিডিয়া ব্যৱহাৰকাৰীয়ে শ্বাৰ্ক টেংকৰ বিচাৰকগৰাকীক লৈ কৌতুক কৰাও দেখা যায় ৷ এজন ব্যৱহাৰকাৰীয়ে লিখিছে, "শ্বাৰ্কৰো হাড় থাকে নেকি" । আন এজনে লিখিছে, "শ্বাৰ্ক সোনকালে সুস্থ হৈ উঠে আৰু আপুনিও সোনকালে সুস্থ হৈ উঠিব ।"
'শ্বাৰ্ক টেংক ইণ্ডিয়া ২'ৰ বিষয়ে কিছু কথা
ৰাহুল হুয়াই আয়োজন কৰিছে শ্বাৰ্ক টেংক ইণ্ডিয়া ২। এইবাৰ শ্ব’টোত ৬ গৰাকী বিচাৰক দেখা পোৱা গৈছে, যাক শ্বাৰ্ক বুলি কোৱা হয় । সেয়া হৈছে, "অনুপম মিত্তল, নমিতা থাপাৰ, অমন গুপ্তা, পীয়ুষ বংছাল, অমিত জৈন আৰু বিনিতা সিং। ১০ মাৰ্চত শ্ব’টোৰ দ্বিতীয় ছিজন সম্পূৰ্ণ হৈছে যদিও চ’নী লিভত চাব পাৰিব শ্ব’টো ।
লগতে পঢ়ক: Happy birthday Kangana: গেংষ্টাৰৰ পৰা থালাইভিলৈকে চাওক বলীউডত কংগনাৰ শক্তিশালী যাত্ৰা
