নেশ্যনেল ডেস্ক, ১১ অক্টোবৰ: ১২ অক্টোবৰ অৰ্থাৎ মঙলবাৰে ৰাষ্ট্ৰীয় মানৱ অধিকাৰ আয়োগ(National Human Rights Commission)ৰ ২৮ সংখ্যক প্ৰতিষ্ঠা দিৱস । মঙলবাৰে প্ৰতিষ্ঠা দিৱসৰ কাৰ্যসূচীত অংশ গ্ৰহণ কৰিব প্ৰধানমন্ত্ৰী নৰেন্দ্ৰ মোডীয়ে । ভিডিঅ' কনফাৰেন্সিঙৰ জৰিয়তে দিনৰ ১১ বজাত অনুষ্ঠানটিত অংশ লৈ বক্তব্য আগবঢ়াব প্ৰধানমন্ত্ৰীগৰাকীয়ে ।
অনুষ্ঠানটিত ইউ এন এইচ আৰ চিৰ অধ্যক্ষ অৰুণ কুমাৰ মিশ্ৰও উপস্থিত থাকিব । মানৱ অধিকাৰৰ সুৰক্ষাৰ বাবে ১৯৯৩ চনৰ ১২ অক্টোবৰত মানৱ অধিকাৰ সুৰক্ষা আইন গ্ৰহণ কৰা হৈছিল । আয়োগে যিকোনো ধৰণৰ মানৱ অধিকাৰৰ উলংঘন কৰা সকলৰ বিৰুদ্ধে আইনী ব্যৱস্থা গ্ৰহণ কৰে । লগতে ভুক্তভোগীক ক্ষতিপূৰণ প্ৰদান কৰাৰ বাবে চৰকাৰী কৰ্তৃপক্ষক পৰামৰ্শ দিয়ে ।
নাগৰিকৰ অধিকাৰ খৰ্ব হোৱা বিষয়ত হস্তক্ষেপ কৰি আহিছে মানৱ অধিকাৰ আয়োগে ।
লগতে পঢ়ক : অবিশ্বাস্য : 60 বছৰে কৰ্পূৰ আৰু ধূপ কাঠিৰ ধোঁৱা খাই জীয়াই থকা এগৰাকী 75 বৰ্ষীয় মহিলা
