নেশ্যনেল ডেস্ক, ২৮ এপ্ৰিল: দেশজুৰি মহামাৰী কৰ'ণাৰ কালৰূপৰ সময়ত ভাৰতক সহযোগ আগবঢ়োৱাৰ বাবে প্ৰধানমন্ত্ৰী নৰেন্দ্ৰ মোডীয়ে কাটাৰৰ আমীৰ তামিম বিন হামাদ আল থানিক ধন্যবাদ জ্ঞাপন কৰে । মংগলবাৰে তামিম বিন হামাদ আল থানিয়ে মোডীৰ সৈতে হোৱা টেলিফেনিক বাৰ্তালাপত দেশৰ ক'ভিড পৰিস্থিতিৰ বুজ লোৱাৰ পাচতে আমীৰ তামিম বিন হামাদ আল থানিক ধন্যবাদ জনায় মোডীয়ে । মহামাৰীৰ এই সংকটকালত কাটাৰৰ প্ৰৱাসী ভাৰতীয় সম্প্ৰদায়ৰ লোকসকলৰ যত্ন লোৱাৰ বাবে মোডীয়ে টুইটাৰযোগে তেওঁক ধন্যবাদ জ্ঞাপন কৰে ।
'কাটাৰৰ আমীৰ তামিম বিন হামাদৰ সৈতে আজি হোৱা আলোচনাত সংকটকালত দেশক কৰা সহায়ৰ বাবে মই ধন্যবাদ জনাইছো । কাটাৰত প্ৰৱাসী ভাৰতীয় সম্প্ৰদায়ৰ লোকসকলৰ যত্ন লোৱা পদক্ষেপৰ বাবে মই আমীৰ তামিম বিন হামাদ আল থানিক কৃতজ্ঞতা জ্ঞাপন কৰিছো' বুলি এইদৰে টুইটাৰযোগে মন্তব্য কৰে প্ৰধানমন্ত্ৰী মোডীয়ে ।
লগতে পঢ়ক: টিপ্ৰা মথাৰ বিপক্ষে ক্ষমতাৰ অপপ্ৰয়োগৰ অভিযোগ
