"দ্য গাৰ্ল অন দ্যা ট্ৰেইনে" চেলেঞ্জ ল’বলৈ বাধ্য কৰাইছে: পৰিণীতি চোপ্ৰা

বলীউডৰ অভিনেত্ৰী পৰিণীতি চোপ্ৰাই কয়, "দ্য গাৰ্ল অন দ্যা ট্ৰেইন" শীৰ্ষক ছবিখনে তেওঁক নিজৰ সৈতে চেলেঞ্জ ল’বলৈ বাধ্য কৰাইছে ৷ এইখন ছবি হলীউডৰ ফিল্ম দ্য গাৰ্ল অন দ্যা ট্ৰেইনৰ হিন্দী ৰিমেক ৷

মুম্বাই,৩ ফেব্ৰুৱাৰী: বলীউডৰ অভিনেত্ৰী পৰিণীতি চোপ্ৰাই এগৰাকী অভিনেত্ৰী হিচাপে সদায়ে প্ৰত্যাহ্বান গ্ৰহণ কৰি কাম কৰি ভালপোৱা বুলি শেহতীয়াকৈ প্ৰকাশ কৰিছে ৷ পৰৱৰ্তী মনোবৈজ্ঞানিক, চাছ্পেঞ্চ কাহিনীৰে ভৰপুৰ দ্য গাৰ্ল অন দ্যা ট্ৰেইন শীৰ্ষক ছবিখনত এক অপৰাধীৰ চৰিত্ৰত অভিনয় কৰাৰ কথা ব্যক্ত কৰে ৷

দ্য গাৰ্ল অন দ্যা ট্ৰেইন শীৰ্ষক ছবিখনত কৰা অভিনয় অনন্য বুলি অভিনেত্ৰীগৰাকীয়ে প্ৰকাশ কৰে ৷ কিয়নো পূৰ্বে এনে ছবিত অভিনয় কৰাৰ সুযোগ লাভ কৰা নাছিল পৰিণীতিয়ে ৷

• https://youtu.be/LE8-4aRf5VQ

পৰিণীতিয়ে ছবিখনত মীৰা কাপুৰৰ চৰিত্ৰত অভিনয় কৰিছে ৷ চৰিত্ৰটোক জীৱন্ত ৰূপ দিবলৈ ছবিখনৰ নিৰ্দেশক ৰিভূ দাশগুপ্তাৰ সৈতে কঠোৰ পৰিশ্ৰম কৰে অভিনেত্ৰীগৰাকীয়ে ৷

হলীউডৰ থ্ৰীলাৰ ছবি দ্য গাৰ্ল অন দ্যা ট্ৰেইন শীৰ্ষক ছবিখনৰ হিন্দী ৰিমেক এই ছবিখন 2015 চনত প্ৰকাশিত পাওলা হকিন্সৰ বেষ্টছেলাৰৰ ওপৰত আধাৰিত ৷

ছবিখনৰ ট্ৰেইলৰ শীঘ্ৰে নেটফ্লিক্সত উপলব্ধ হ’ব বুলি নিৰ্দেশক ৰিভূ দাশগুপ্তাই জানিবলৈ দিয়ে ৷

ছবিখন বিগত বৰ্ষৰ মে’ মাহত মুকলি হোৱাৰ সম্ভাৱনা আছিল ৷ কিন্তু কৰ’ণা মহামাৰীৰ বাবে সেয়া স্থগিত হয় ৷ পৰৱৰ্তী 26 ফেব্ৰুৱাৰীত ছবিখনৰ প্ৰিমিয়ামৰ নেটফ্লিক্সত উপলব্ধ হ’ব ৷

লগতে পঢ়ক:ত্ৰিপুৰাত 120 কিলোগ্ৰাম গাঞ্জা জব্দ