নেশ্যনেল ডেস্ক,২৪ ছেপ্টেম্বৰ : ৰাষ্ট্ৰসংঘৰ সাধাৰণ সভাৰ বিতৰ্কৰ (United Nations General Assembly) সময়তে পাকিস্তানৰ প্ৰধানমন্ত্ৰীক উভতি ধৰিলে ভাৰতীয় কূতনীতিবিদ মিজিটো ভিনিটোৱে । সীমান্তত সন্ত্ৰাসবাদৰ কাৰ্যকলাপ বন্ধ কৰিবলৈ পাকিস্তানক সকীয়াই দিয়ে ভাৰতীয় পক্ষই (India replies to Pak PMs rant at UN)। ৭৭ তম অধিৱেশনত পাকিস্তানৰ প্ৰধানমন্ত্ৰী শ্বেহবাজ শ্বৰীফে ভাৰতৰ সংখ্যালঘু আৰু কাশ্মীৰৰ বিষয়ত কেইবাটাও মন্তব্য কৰিছিল । সেই মন্তব্যৰ প্ৰত্যুত্তৰত ভাৰতে শুকুৰবাৰে পাকিস্তানক সকীয়াই দিয়ে আৰু কয় যে ভাৰতৰ বিৰুদ্ধে মিছা অভিযোগ উত্থাপন কৰাৰ পূৰ্বে পাকিস্তানে আত্মনিৰীক্ষণ কৰিব লাগে (India warns Pakistan again at UN)।
ভাৰতীয় কূতনীতিবিদ ভিনিটোৱে লগতে কয় যে যেতিয়া সংখ্যালঘু সম্প্ৰদায়ৰ হাজাৰ হাজাৰ যুৱতীক এছ.ও.পি. হিচাপে অপহৰণ কৰা হয়, সেই অন্তৰ্নিহিত মানসিকতাক কি বুলি ক'ব ? ভিনিটোৱে কয় যে আগষ্টত বিধানসভাৰ মজিয়াত পাকিস্তানৰ প্ৰধানমন্ত্ৰীয়ে ভাৰতৰ বিৰুদ্ধে মিছা অভিযোগ উত্থাপন কৰিছে । ভাৰতৰ বিৰুদ্ধে মিছা অভিযোগ দিয়াৰ পূৰ্বে তেওঁ নিজৰ দেশৰ অপকৰ্মবোৰ আঁতৰ কৰিবলৈ চেষ্টা কৰিব লাগে বুলি সকীয়াই দিয়ে ভিনিটোৱে (Indian diplomat Mijito Vinito slams Shehbaz Sharif)।
ভিনিটোৱে লগতে কয় যে চুবুৰীয়াৰ সৈতে শান্তি বিচাৰে বুলি দাবী কৰা কোনো ৰাজনীতিয়ে কেতিয়াও সীমান্তৰ সন্ত্ৰাসবাদৰ পৃষ্ঠপোষকতা নকৰে । মুম্বাইৰ ভয়ংকৰ আক্ৰমণৰ পৰিকল্পনাকাৰীসকলক আশ্ৰয় নিদিবলৈও পাকিস্তানক সকীয়াই দিয়ে ভাৰতে । ইফালে পাকিস্তানক তীব্ৰ সমালোচনা কৰি ভাৰতীয় কূতনীতিবিদগৰাকীয়ে কয় যে শেহতীয়াকৈ পাকিস্তানৰ হিন্দু, শিখ আৰু খ্ৰীষ্টান পৰিয়ালৰ যুৱতীক বলপূৰ্বক অপহৰণ কৰা আৰু বিবাহৰ জৰিয়তে পাকিস্তানৰ ভিতৰত ধৰ্মান্তৰিত কৰাৰ ঘটনা অতি উদ্বেগজনক ।
ভাৰতীয় কূটনীতিবিদগৰাকীয়ে ৰাষ্ট্ৰসংঘৰ সাধাৰণ সভাক কয় যে এনে এখন দেশে চুবুৰীয়াৰ বিৰুদ্ধে অযৌক্তিক আৰু অযোগ্য আঞ্চলিক দাবী নকৰে । তেওঁ উল্লেখ কৰা মতে ভাৰতত শান্তি, নিৰাপত্তা আৰু প্ৰগতিৰ আকাংক্ষা বাস্তৱিক । ইয়াক ব্যাপকভাৱে চৰ্চা কৰা হয় ।
ইয়াৰ পূৰ্বে, প্ৰধানমন্ত্ৰী শ্বেহবাজ শ্বৰীফে ৰাষ্ট্ৰসংঘৰ সাধাৰণ সভাত কাশ্মীৰৰ সমস্যাৰ বিষয়ে উল্লেখ কৰিছিল (Pakistan PM on Kashmir)। তেওঁ ভাৰতৰ বিৰুদ্ধে অবৈধ জনগাঁথনিগত পৰিৱৰ্তনৰ জৰিয়তে কাশ্মীৰক হিন্দু সংখ্যাগৰিষ্ঠ অঞ্চললৈ পৰিণত কৰাৰ অভিযোগ উত্থাপন কৰিছিল । ইয়াৰ পূৰ্বে, পাকিস্তানৰ বৈদেশিক মন্ত্ৰী বিলাৱাল ভুট্টো জাৰ্দাৰীয়েও নিউয়ৰ্কত কাশ্মীৰ সমস্যা উত্থাপন কৰিছিল ।
লগতে পঢ়ক :কংগ্ৰেছৰ সভাপতিৰ দৌৰত অশোক গেহলট
