নেশ্যনেল ডেস্ক, 16 আগষ্ট: গুৱাহাটী আৰু ইম্ফলৰ নাৰ্কোটিকছ কন্ট্ৰ’ল ব্যুৰ’ৰ বিশেষ সফলতা ৷ ড্ৰাগছ নিৰ্মাণত ব্যৱহৃত ৰাসায়নিক পদাৰ্থৰ আন্তঃৰাষ্ট্ৰীয় সৰবৰাহৰ নেটৱৰ্কৰ বিৰুদ্ধে অভিযান চলায় গ্ৰেপ্তাৰ কৰিবলৈ সক্ষম হয় সাতজন লোকক । ইয়াৰ লগত ভাৰতৰ পৰা ম্যানমাৰলৈ ছ্যুড’ইফেড্ৰিনৰ অবৈধ ব্যৱসায় জড়িত হৈ আছে বুলি মঙলবাৰে ব্যুৰ’ৰ বিষয়াসকলে জনায় ।
অভিযানকালত 110.5 কিলোগ্ৰাম ছ্যুড’ইফেড্ৰিন টেবলেট জব্দ কৰা হয় । এনচিবিয়ে এক প্ৰেছ বিবৃতিযোগে কয় যে, এই নেটৱৰ্কৰ প্ৰধান আব্দুল ৱাকিলক গ্ৰেপ্তাৰ কৰা হৈছে ৷ ৱাকিল জামিয়া মিলিয়া ইছলামিয়াৰ স্নাতক আৰু MBA ৰ ছাত্ৰ বুলি জানিব পৰা গৈছে বিবৃতিযোগে ।
উল্লেখযোগ্য যে টেক-চেভিয়ে ছ্যুড’ইফেড্ৰিন সৰবৰাহৰ বাবে B2B প্লেটফৰ্ম ব্যৱহাৰ কৰিছিল । তেওঁ আহমদাবাদৰ ৰিকভাৰ স্বাস্থকৰ্মী ভদ্ৰেশ পেটেলৰ সৈতে “ট্ৰেডেইণ্ডিয়া” ৰ জৰিয়তে যোগাযোগ কৰি ছ্যুড’ইফেড্ৰিন HCL যুক্ত 1500 পেকেট ফাইফেড টেবলেট ক্ৰয় কৰে ৷ যাৰ বাবে তেওঁ আইজলৰ এলিট মেডিকেল ষ্ট’ৰৰ নামত প্ৰস্তুত কৰা ভুৱা অনুমোদন ব্যৱহাৰ কৰে ।
বিষয়াগৰাকীয়ে লগতে কয়, ‘জব্দ কৰা 533 টা পেকেট (110.5 কিলোগ্ৰাম) অভিযানত লাভ কৰা 1500 পেকেট ছ্যুড’ইফেড্ৰিনৰ অংশ আছিল ৷ ইয়াৰ উপৰিও ৰিকাভাৰ হেল্থকেয়াৰৰ দুজন কৰ্মচাৰী নীতিন কুমাৰ পাঞ্চল আৰু অনিলভাই নায়াকাউহোক ছ্যুড’ইফেড্ৰিনৰ অৰ্ডাৰ দিয়া আৰু সামগ্ৰীসমূহৰ প্ৰৱঞ্চনামূলক লেবেলিঙৰ কামত লিপ্ত হোৱাৰ দায়িত্ব অৰ্পণ কৰা হোৱাৰ বাবে দুয়োজনকে গ্ৰেপ্তাৰ কৰা হৈছে ।
ৰিকাভাৰ হেল্থকেয়াৰৰ মালিক ভদ্ৰেশ পেটেলকো ইতিমধ্যে গ্ৰেপ্তাৰ কৰা হৈছে বুলি জানিবলৈ পৰা গৈছে । ইয়াৰ উপৰিও অভিযুক্তৰ বক্তব্যৰ ভিত্তিত গুজৰাটৰ টাপিৰ সোণগাধত অৱস্থিত আৰ্ডৰ ড্ৰাগছ প্ৰাইভেট লিমিটেডৰ বিৰুদ্ধে তদন্ত চলোৱা হয় ৷ তদন্তত আৰ্ডৰ ড্ৰাগছ প্ৰাইভেট লিমিটেডে কোনো লেবেল বা মাৰ্কিং নোহোৱাকৈ ফাইফেড টেবলেট যোগান ধৰে ৷ পিছলৈ উক্ত ফাইফেড টেবলেটৰ সকলো পেকেটত চিট্ৰিজিন এইচচিএল 10 মিলিগ্ৰাম (লেভ'চেট) চিহ্নিত আৰু লেবেল কৰা হৈছিল য'ত অ-এনডিপিএছ উপাদান থাকে ।
হৰ্শাল দেশাই, আৰ্ডৰ ড্ৰাগছ প্ৰাইভেট লিমিটেডৰ সঞ্চালক । লিমিটেড আৰু আৰ্ডৰ ড্ৰাগছ প্ৰাইভেট লিমিটেডৰ প্ৰাক্তন সঞ্চালক মেহুল দেশাইক এনচিবিৰ দলে গ্ৰেপ্তাৰ কৰে । কাৰ্যালয়, গুদাম, বাসগৃহকে ধৰি বিভিন্ন চৌহদত অভিযান চলোৱাৰ সময়ত এনচিবিয়ে কেইবাটাও নকল লেবেল আৱিষ্কাৰ কৰিবলৈ সক্ষম হয় বুলি জানিবলৈ পৰা গৈছে ।
ইয়াৰ ভিতৰত আছে ছান ভিউ বায়'টেকৰ "লেভ'চেট", আৰু জেনিথ ফাৰ্মাৰ "কলজেন"ৰ ভুৱা লেবেল । মন কৰিবলগীয়া যে ম্যানমাৰত পূৰ্বে 13 লাখ টেবলেট "কলজেন" জব্দ কৰা হৈছিল, যিয়ে এই পোহৰলৈ আনিছিল আন্তঃৰাষ্ট্ৰীয় অবৈধ বাণিজ্য নেটৱৰ্কৰ বজাৰখনৰ বিষয়ে ৷
লগতে পঢ়ক: Living together relationships: বিবাহৰ পূৰ্বে একেলগে থকা সম্পৰ্কতো প্ৰযোজ্য হ’ব ঘৰুৱা হিংসা আইন; কেৰালা উচ্চ ন্যায়ালয়
