নেশ্য়নেল ডেস্ক , ০১ ডিচেম্বৰ : অভিনেতা সুশান্ত সিং ৰাজপুতৰ মৃত্য়ুৰ পিছতে মায়ানগৰী মুম্বাইত ড্ৰাগছ সৰবৰাহৰ ক্ষেত্ৰত বহু নতুন তথ্য় পোহৰলৈ আহিছে । অভিনেতা সুশান্ত সিং ৰাজপুতৰ মৃত্য়ুৰ ঘটনা সন্দৰ্ভত ইতিমধ্য়ে ২ টা গোচৰ ৰুজু কৰিছে নাৰ্ক’টিক কন্ট্ৰ'ল ব্য়ুৰো (এন চি বি) য়ে । ইয়াৰ মাজতে মুম্বাইত নাৰ্ক’টিক কন্ট্ৰ'ল ব্য়ুৰো (এন চি বি)ৰ অভিযান । এই অভিযানত গ্ৰেপ্তাৰ ৩ জন নিচাযুক্ত দ্ৰব্য় সৰবৰাহকাৰী ।
এন চি বিৰ আঞ্চলিক নিৰ্দেশক সমীৰ ৱাংখেডে জনোৱা মতে বৃহস্পতিবাৰে নিশা আন্ধেৰী আৰু কুৰ্লাত চলা এক অভিযানত (এন চি বি)ৰ দলটোৱে চিন্থেটিক ড্ৰাগছ মেফেড্ৰন জাতীয় নিচাযুক্ত দ্ৰব্য়ৰ লগতে ৩জন যুৱকক গ্ৰেপ্তাৰ কৰে । উল্লেখ্য যে যোৱা কেইবাটাও দিনত (এন চি বি)য়ে দেশৰ ভিন্ন প্ৰান্তত এইধৰণৰ অভিযান চলাইছে ।
লগতে পঢ়ক : সন্ত্ৰাসবাদৰ পিচতে জম্বু-কাশ্মীৰবাসীৰ বাবে বৃহৎ প্ৰত্যাহ্বান হৈছে ড্ৰাগছ: DGP
