বেংগালুৰু, 31 ডিচেম্বৰ : ভাষা-সাহিত্যৰ প্ৰতি বিশেষভাৱে আকৰ্ষিত তথা এগৰাকী 16 বছৰীয়া কিশোৰী ৷ প্ৰচুৰ মেধাসম্পন্ন কিশোৰীগৰাকী সম্প্ৰতি চৰ্তিত হৈছে সমগ্ৰ দেশজুৰি ৷ কিয়নো সাহিত্যানুৰাগী কিশোৰীগৰাকীয়ে এই 16 বছৰ বয়সতে লিখি উলিয়াইছে চাৰিখনকৈ গ্ৰন্থ ৷
বেংগালুৰুৰ অমনা জে কুমাৰ নামৰ সাহিত্যানুৰাগী কিশোৰীগৰাকীয়ে এই পৰ্যন্ত সৃষ্টি কৰিছে প্ৰায় 500 তকৈও অধিক কবিতা, যিসমূহ কবিতা ইংৰাজী আৰু হিন্দী ভাষাত লিখি উলিয়াইছে ৷ ফলত সম্প্ৰতি সাহিত্যৰ ক্ষেত্ৰত জড়িত হৈ থকা শিক্ষাৰ্থীসকলৰ বাবে এক আদৰ্শ হৈ পৰিছে আমনা জে কুমাৰ ৷
কে এছ আৰ টি চিৰ মুখ্য জনসম্পৰ্কৰক্ষী বিষয়া ড৹ লতা টিএছ আৰু জয়ৱন্ত কুমাৰৰ কন্যা আমানাই ষষ্ঠ শ্ৰেণীতে ইংৰাজী ভাষাত কবিতা লিখিবলৈ আৰম্ভ কৰিছিল । অমনৰ প্ৰথমখন কবিতা সংকলন হৈছে ‘প্ৰাণৱন্ত কবিতাৰ প্ৰতিধ্বনি’, দ্বিতীয়খন হৈছে ‘শব্দৰ মাজত বিশ্ব’ আৰু তৃতীয়টো হৈছে ‘লাফজন কি এমএইচফিল’। হিন্দী কবিতাৰ তৃতীয় সংকলনটো ইতিমধ্যে আমাজন, ফ্লিপকাৰ্ট আৰু অন্যান্য স্থানত উপলব্ধ হৈছে ৷ আনহাতে চতুৰ্থখন গ্ৰন্থ 'গালোৰ অব্ মিষ্ট্ৰিজ' শেহতীয়াকৈ উন্মোচিত হৈছে ।
আমানাই বাংগালোৰৰ বিশপ কটন গাৰ্লছ স্কুলত দশম শ্ৰেণী অধ্যয়ন কৰি আছে আৰু হাৰ্ভাৰ্ড বিশ্ববিদ্যালয়ৰ পৰা ‘বিশ্ব সাহিত্যৰ মাষ্টাৰপিচ’ পাঠ্যক্ৰম গ্ৰহণ কৰি আছে ৷ শৈক্ষিক জগতখনৰ লগতে তেওঁ সাহিত্যৰ জগতখনতো ওতঃপ্ৰোতভাৱে জড়িত ।
এই পৰ্যন্ত আমানাই গঢ়িবলৈ সক্ষম হোৱা ৰেকৰ্ডসমূহঃ
1. ভাৰতৰ কনিষ্ঠতম কবি - ইণ্ডিয়া বুক অফ ৰেকৰ্ডচ -2021
2. কম বয়সতে কবিতা লিখাৰ বাবে এছিয়া বুক অফ ৰেকৰ্ডচ- 2021
3. কৌটিল্য জুনিয়ৰ পয়েট অব্ দ্য ইয়েৰ বঁটা - 2021, গোৱাৰ ৰাজ্যপালৰ দ্বাৰা প্ৰদান
4. নবেল বুক অব্ ৱৰ্ল্ড ৰেকৰ্ডছৰ কনিষ্ঠতম কবি
5. গ’ল্ডেন বুক অব্ ৱৰ্ল্ড ৰেকৰ্ডছ-2022
6. কনিষ্ঠতম কবি- ৱণ্ডাৰ বুক অব্ ৱৰ্ল্ড ৰেকৰ্ডছ
7. ইণ্টাৰন্শ্যনেল বুক অব্ ৰেকৰ্ডছৰ কনিষ্ঠতম কবি
লগতে পঢ়ক: নৱবৰ্ষক আদৰিবলৈ সাজু বেংগালুৰু চহৰ, আৰক্ষীৰ কটকটীয়া নিৰাপত্তা
