নেশ্যনেল ডেস্ক,২৮ মাৰ্চ: পশ্চিম মিডনাপুৰ জিলাৰ নাৰায়ণগড়ত এক নিৰ্বাচনী প্ৰচাৰ সভাত অংশ লৈ ভাষণ প্ৰদান কৰি থকাৰ মাজতে মমতা বেনাৰ্জীয়ে সন্মুখৰ শাৰীৰ এগৰাকী মহিলাক আগলৈ আহিবলৈ কৈ তেওঁৰ ফালে বল দলিয়াই দিয়ে ৷ মহিলা গৰাকীয়ে বলটো থাপ মাৰি ধৰাৰ লগে লগে মমতাই আনন্দত 'Bowled Out BJP bowled out' বুলি চিঞৰি উঠে ৷
নিৰ্বাচনী প্ৰচাৰ সভাত অংশ লৈ ফুটবল দলিয়াই বিজেপিক bowled out ঘোষণা কৰিলে মমতা বেনাৰ্জীয়ে ৷ লগতে মোডীয়ে বাংলাদেশ ভ্ৰমণৰ পূৰ্বে বংগবাসীৰ পৰা ভোট ভিক্ষা কৰিছিল বুলি মমতাই অভিযোগ উত্থাপন কৰে ৷ আৰু তেওঁৰ ভিছা কিয় বাতিল কৰা উচিত নহয় বুলি প্ৰশ্ন উত্থাপন কৰে ।
উল্লেখযোগ্য যে, শনিবাৰে পশ্চিমবংগত আৰম্ভ হয় প্ৰথম পৰ্যায়ৰ বিধানসভা নিৰ্বাচন । পশ্চিমবংগত প্ৰথম পৰ্যায়ৰ নিৰ্বাচনত ২১ গৰাকী মহিলাকে ধৰি মুঠ ১৯১ গৰাকী প্ৰাৰ্থীৰ ৰাজনৈতিক ভৱিষ্যত ইভিএমত বন্দী হয় । ৰাজ্যখনত পুৰুলিয়া আৰু ঝাড়গ্ৰাম জিলাৰ সকলো বিধানসভা সমষ্টিক সামৰি ৩০ খন আসন আৰু বাঙ্কুৰা, পূৰ্ব মেদিনীপুৰ আৰু পশ্চিম মেদিনীপুৰৰ এটা অংশত নিৰ্বাচন অনুষ্ঠিত হৈছে ।
লগতে পঢ়ক: উত্তৰ-পূৱক চট্টগ্ৰাম আৰু চিলেট বিমানবন্দৰ ব্যৱহাৰৰ প্ৰস্তাৱ বাংলাদেশৰ
