নেশ্যনেল ডেস্ক,২৪ অক্টোবৰ: উত্তৰ প্ৰদেশৰ লখিমপুৰৰ খেৰীত বাঘৰ আক্ৰমণ অব্যাহত আছে । এইবাৰ, এটা নাহৰফুটুকীৰ আকৰ্মণৰ বলি হ’ল ভিৰা কোতৱালী অঞ্চলৰ এগৰাকী কিশোৰী । ভিৰা কোতৱালী অঞ্চলৰ ৰামনগৰ কলন গাঁৱৰ কুঁহিয়াৰ তলিত পাত সংগ্ৰহ কৰিবলৈ যোৱাৰ সময়ত এগৰাকী ১৩ বছৰীয়া কিশোৰীক নাহৰফুটুকী বাঘে আক্ৰমণ কৰি নিহত কৰিছিল(leopard killed girl in lakhimpur kheri) । দেওবাৰে সন্ধিয়া সংঘটিত হৈছিল ঘটনাটো । জিলাখনত বাঘৰ আক্ৰমণত নিহতৰ সংখ্যা যোৱা আঠ দিনত পাঁচজনলৈ বৃদ্ধি পালে ।
ভিৰা কোতৱালী অঞ্চলৰ বিজুয়া চকী অঞ্চলৰ শাৰদাৰ পাদদেশত অৱস্থিত ৰামনগৰ কলন গাঁৱৰ বাসিন্দা মথুৰাৰ এগৰাকী ১৩ বছৰীয়া কন্যা ছোটিয়ে পিতৃ আৰু ভাতৃৰ সৈতে কুঁহিয়াৰ তলিত পশুখাদ্য সংগ্ৰহ কৰিবলৈ গৈছিল । বিগত কিছুদিনৰ পৰা অঞ্চলটোত বানৰ ফলত গাঁওবোৰত পশুখাদ্যৰ অভাৱ ঘটিছে । সেয়েহে স্থানীয় পশুপালকসকলে কুঁহিয়াৰ পথাৰৰ পাত উলিয়াই পশুখাদ্যৰ ব্যৱস্থা কৰিছে । কিশোৰীগৰাকীয়েও ভাতৃ আৰু আৰু পিতৃৰ সৈতে কুঁহিয়াৰ পথাৰত পাত উলিয়াই আছিল । কিন্তু, সেই স্থানতে অৱস্থান গ্ৰহণ কৰি আছিল নাহৰফুটুকী বাঘটোৱে(Tiger scare in Uttar Pradesh Lakhimpur Kheri) ।
পাত উলিওৱাত ব্যস্ত থকা ছোটিয়ে নাহৰফুটুকী বাঘটোৰ ওচৰ পোৱাৰ লগে লগে বাঘটোৱে কিশোৰীগৰাকীক আক্ৰমণ কৰি আহত কৰে । কণমানিজনীয়ে ভয়তে চিঞৰ-বাখৰ কৰাত পথাৰলৈ পশুখাদ্য আনিবলৈ যোৱা লোকসকল দৌৰি আহে । কিন্তু, তেতিয়ালৈকে যথেষ্ট পলম হৈছিল ।
নাহৰফুটুকী বাঘৰ আক্ৰমণত ইতিমধ্য়ে কিশোৰীগৰাকীৰ মৃত্যু হৈছিল । দীপাৱলী উৎসৱৰ দিনাই কিশোৰীগৰাকীৰ মৃত্যুত ঘৰখনত এক শোকাকুল পৰিৱেশে বিৰাজ কৰিছে । কান্দোনত ভাগি পৰিছে পৰিয়ালটোৰ লোক । ভিৰা এছ ও বিমল গৌতমে কয় যে কিশোৰীগৰাকীক নাহৰফুটুকী বাঘে আক্ৰমণ কৰিছে । ইতিমধ্যে বন বিভাগৰ এটা দলক মাতি অনা হৈছে আৰু মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে ।
