তেজপুৰ, 26 জানুৱাৰী: বিগত বৰ্ষত অৰুণাচল প্ৰদেশৰ টাৱাং জিলাৰ জেমিথাং গাঁৱক কেন্দ্ৰীয় চৰকাৰৰ গৃহ পৰিক্ৰমা মন্ত্ৰালয়ে ভাইব্ৰেণ্ট গাঁও কাৰ্যসূচী VVP ৰ অধীনত বহুমুখী উন্নয়নৰ বাবে ভাইব্ৰেণ্ট গাঁও হিচাপে ঘোষণা কৰে (Jemithang on the Indo China border) । এই উপলক্ষে বৃহস্পতিবাৰে জেমিথাঙত থকা ITBP ৰ শিবিৰত ৰাষ্ট্ৰীয় পতাকা উত্তোলন কৰে তেজপুৰৰ ITBP SHQ ৰ কমাণ্ডেণ্ট ড৹ দীপক কুমাৰ পাণ্ডেই । গণৰাজ্য দিৱসৰ সৈতে সংগতি ৰাখি আয়োজিত বিশাল কাৰ্যসূচীত ১৯৬২ চনৰ ভাৰত-চীন যুদ্ধত প্ৰাণ আহুতি দিয়া বীৰ সৈনিকসকলৰ স্মৃতিত নিৰ্মিত যুদ্ধ স্মৃতিসৌধত শ্ৰদ্ধাঞ্জলি জনোৱা হয় (ITBP celebrates Republic Day) ।
ড৹ দীপক কুমাৰ পাণ্ডেই ভাৰত চৰকাৰে আৰম্ভ কৰা স্বাধীনতাৰ অমৃত মহোৎসৱ আৰু জীৱন্ত গাঁও কাৰ্যসূচী সন্দৰ্ভত স্থানীয় জনসাধাৰণক বিতং তথ্য প্ৰদান কৰে । তেওঁ কয় যে, আই টি বি পিয়ে আন্তঃৰাষ্ট্ৰীয় সীমান্তৰ নিৰাপত্তা নিশ্চিত কৰাৰ উপৰিও দুৰ্গম সীমান্ত অঞ্চলত স্থানীয় জনসংখ্যাৰ উন্নয়ন নিশ্চিত কৰিবলৈ কেইবাটাও উন্নয়নমূলক কাৰ্যসূচীও আয়োজন কৰে (74th Republic Day celebration)।
আইটিবিপিয়ে জেমিথাঙৰ পৰা খিংজেমানেলৈ এটা পথ নিৰ্মাণ কৰিছে । ইয়াৰ উপৰিও হিমালয়ৰ সীমান্তৱৰ্তী অঞ্চলত বহুতো শৌচাগাৰ, খোৱাপানীৰ সুবিধা, বিদ্যালয় ভৱন নিৰ্মাণ, বিদ্যালয় গ্ৰহণ, গছৰ বাগিচা স্থাপনৰ লগতে ক্ৰীড়া প্ৰতিযোগিতা, চিকিৎসা শিবিৰ আৰু পশু চিকিৎসা শিবিৰৰ আয়োজন কৰি আহিছে (ITBP celebrates Republic Day at Indo China border) ।
গাঁৱৰ উন্নয়নমূলক কাৰ্যসূচীৰ অধীনত ভাৰত চৰকাৰে অৰুণাচল প্ৰদেশ চৰকাৰৰ সমন্বয়ত জিমিথাং গাঁৱৰ বাবে কেইবাটাও উন্নয়নমূলক কাৰ্যসূচী গ্ৰহণ কৰা হ’ব বুলি ড৹ দীপক কুমাৰ পাণ্ডেয়ে জানিবলৈ দিয়ে । জেমিথাং গাঁৱৰ স্থানীয় জনসাধাৰণৰ বাবে বহু কৰ্মসংস্থাপনৰ সুযোগ সৃষ্টি হ’ব বুলিও তেওঁ উল্লেখ কৰে । অঞ্চলটোৰ যুৱক-যুৱতীসকলৰ সুবিধাৰ্থে বহুতো দক্ষতা বিকাশ প্ৰশিক্ষণ কাৰ্যসূচীৰ আয়োজন কৰা হ’ব । সংস্কৃতি আৰু পৰম্পৰা ৰক্ষাৰ বাবে পদক্ষেপ গ্ৰহণ কৰা হ’ব । অদূৰ ভৱিষ্যতে স্বাস্থ্য সুবিধা, যোগাযোগ ব্যৱস্থা আৰু পৰিৱেশ উন্নত কৰাৰ বাবে কেইবাটাও কাৰ্যসূচী গ্ৰহণ কৰা হ’ব বুলি তেওঁ জানিবলৈ দিয়ে ।
জেমিথাং টাৱাং অঞ্চলৰ আটাইতকৈ দূৰৱৰ্তী সীমান্তৰ গাঁও আৰু আন্তঃৰাষ্ট্ৰীয় সীমান্তৰ ফালে থকা শেষৰখন গাঁও । অৰুণাচল প্ৰদেশৰ অতি পবিত্ৰ স্থান হিচাপে এই অঞ্চলক গণ্য কৰা হয় । ইয়াৰ উপৰিও এই স্থান গুৰু পদমসম্ভৱৰ কৰ্মক্ষেত্ৰ আছিল বুলি কোৱা হয় ৷ জেমিথাং ইমানেই পবিত্ৰ স্থান যে, ইয়াক মনপা ভাষাত ‘পাংচেন’ বুলিও কোৱা হয় । মনপা জনগোষ্ঠীৰ উপভাষাত পাংচেন শব্দৰ অৰ্থ হৈছে ‘‘সকলো পাপৰ পৰা মুক্ত ব্যক্তি’’ । অঞ্চলটোৰ মাজেৰে বৈ যোৱা ন্যামজাং চু নদীখনে এই গাঁওখনক আৰু অধিক সুন্দৰ আৰু পবিত্ৰ কৰি তুলিছে । এই গাঁৱৰ কাষতে প্ৰায় ৮০০ বছৰ পুৰণি গোৰ্ছাম স্তূপ অৱস্থিত ।
74 সংখ্যক গণৰাজ্য দিৱসৰ অনুষ্ঠানৰ সময়ত গাঁওবাসী, স্কুলীয়া ছাত্ৰ-ছাত্ৰী আৰু আই টি বি পিৰ কৰ্মীসকলৰ দ্বাৰা সাংস্কৃতিক কাৰ্যসূচীৰ আয়োজন কৰা হয় । লগতে বহুতো ক্ৰীড়া প্ৰতিযোগিতাৰো আয়োজন কৰা হয় । ডেপুটি কমাণ্ডেণ্ট শ্ব’ অগাষ্টিন আৰু সহকাৰী কমাণ্ডেণ্ট ৰাইডাৰ ফুনছুক, ডেপুটি ডাইৰেক্টৰ স্কুল, অন্যান্য নিৰাপত্তা সংস্থাৰ বিষয়া, টাৱাং জিলা শিক্ষা বিভাগৰ বিষয়া, লুম্পো, গুৰছুম, ছকটছন, টাৱাংৰ শিক্ষক, বিদ্যালয়ৰ ছাত্ৰ-ছাত্ৰী আৰু স্থানীয় জনসাধাৰণৰ লোক অনুষ্ঠানত উপস্থিত থাকে । কাৰ্যসূচীৰ অন্তত আইটিবিপিৰ দ্বাৰা গাওঁবাসীৰ বাবে এটা বৰভোজৰ আয়োজন কৰা হয় ।
আইটিবিপিক হিমালয়ৰ উচ্চ শিখৰৰ সীমান্তত নিয়োজিত কৰা হয়, য’ত তাপমাত্ৰা সদায় মাইনাছ ৪৫ ডিগ্ৰী চেলছিয়াছ পৰ্যন্ত হ্ৰাস পায় । এই বাহিনীয়ে প্ৰায় ৩৪৮৮ কিলোমিটাৰ দৈৰ্ঘ্যৰ ভাৰত চীন আন্তঃ ৰাষ্ট্ৰীয় সীমান্ত পহৰা দি আছে । আইটিবিপিৰ কৰ্মীসকলক, বৰফেৰে বান্ধি ৰখা হিমালয়ত নিয়োজিত হোৱাৰ বাবে হিমবীৰ বুলি কোৱা হয় ।
উল্লেখযোগ্য যে, শেহতীয়াকৈ ৫৫ নং বাহিনী আইটিবিপিয়ে জিলা শিক্ষা বিভাগৰ সহযোগত স্থানীয় শতাধিক ছাত্ৰ-ছাত্ৰীৰ বাবে ‘সীমা দৰ্শন’ কাৰ্যসূচীৰ আয়োজন কৰিছে । স্থানীয় জনসাধাৰণ আৰু শিশুসকলক বিভিন্ন ধৰণৰ চিকিৎসা সঁজুলি, বাহিনীত ব্যৱহাৰ কৰা বিভিন্ন অস্ত্ৰ-শস্ত্ৰ আৰু আত্মৰক্ষা ব্যৱস্থাৰ ওপৰত চুটি মডিউলৰ বিষয়ে জ্ঞান দিয়া হয় ।
বিগত সময়ছোৱাত আইটিবিপিয়ে সময়ে সময়ে চিকিৎসা আৰু পশু চিকিৎসা শিবিৰ, বৃত্তিমূলক আৰু ক্ৰীড়া প্ৰশিক্ষণ কাৰ্যসূচীও আয়োজন কৰি আহিছে । জেমিথাং অঞ্চলৰ গাঁওবাসীক আইটিবিপিৰ বিষয়াগৰাকীয়ে শেহতীয়া চৰকাৰী আঁচনিসমূহৰ বিষয়ে অৱগত কৰে আৰু এই আঁচনিৰ সুবিধাসমূহ সঠিকভাৱে লাভ কৰিবলৈ উৎসাহিত কৰে ৷
লগতে পঢ়ক: Teacher refused to sing national anthem: ৰাষ্ট্ৰীয় সংগীত পৰিৱেশন কৰিবলৈ অস্বীকাৰ এগৰাকী শিক্ষকৰ
