নেশ্যনেল ডেস্ক, 17 আগষ্ট : ছেপ্টেম্বৰৰ শেষৰ ফালে মুদ্ৰাস্ফীতিৰ পৰিস্থিতি কিছু সুচল হোৱাৰ সম্ভাৱনা আছে ৷ মঙলবাৰে এই কথা আনুষ্ঠানিকভাৱে ঘোষণা কৰে ভাৰতীয় ষ্টেট বেংকৰ অধ্যক্ষ দীনেশ খাৰাই(State Bank of India's Chairman Dinesh Khara) ৷ তেওঁ কয় যে খাৰুৱা তেলৰ মূল্য কম হোৱাৰ ধাৰাটোৱে পৰিস্থিতি লাঘৱ কৰাত সহায় কৰিব ।
তেওঁ লগতে কয়- "শেহতীয়াকৈ মুদ্ৰাস্ফীতিৰ যি সংখ্যা ওলাইছিল সেয়া আছিল ৬.৭ (The inflation front towards the end of September) । যোগানৰ ক্ষেত্ৰত থকা বাধাসমূহ সমাধান কৰা হৈছে ৷ গতিকে আগলৈ গৈ পৰিস্থিতিৰ উন্নতি হোৱা উচিত ।"
সাংবাদিকসকলৰ সৈতে হোৱা এক বাৰ্তালাপত ভাৰতীয় ষ্টেট বেংকৰ অধ্যক্ষগৰাকীয়ে পুনৰ কয় যে মুদ্ৰাস্ফীতিৰ এটা গুৰুত্বপূৰ্ণ কাৰক হৈছে খাৰুৱা তেলৰ মূল্য ৷ সামগ্ৰিকভাৱে আশা প্ৰকাশ কৰি তেওঁ কয়- "হয়তো ছেপ্টেম্বৰৰ শেষৰ ফালে আপুনি (এতিয়া) যি দেখিছে তাৰ তুলনাত পৰিস্থিতি উন্নত হ'ব পাৰে ৷"
বেংগালুৰুত ষ্টাৰ্ট-আপৰ বাবে বেংকৰ অত্যাধুনিক শাখা মুকলি কৰাৰ কথা ঘোষণা কৰাৰ পিছতে এছ বি আইৰ অধ্যক্ষগৰাকীয়ে সাংবাদিকৰ এই মন্তব্য প্ৰদান কৰে ।
লগতে পঢ়ক : Amazon under investigation, শ্ৰম আইন উলংঘা কৰি বিপদত আমাজন !
