নিউজ ডেস্ক, 20 নৱেম্বৰ: দেওবাৰে ইম্ফল বিমানবন্দৰৰ সমীপত অচিনাক্ত উৰণীয়া বস্তু দেখা পোৱাৰ তথ্য লাভ কৰাৰ কিছু সময়ৰ পাছতে ভাৰতীয় বায়ুসেনাই নিজৰ ৰাফেল যুদ্ধ বিমান উৰুৱাই সেই বস্তুটো বিচাৰি উলিওৱাৰ চেষ্টা চলায় । ইম্ফল বিমানবন্দৰৰ সমীপত আকাশত অচিনাক্ত উৰণীয়া বস্তুটো দেখা পোৱা যায় দিনৰ প্ৰায় 2.30 বজাত ৷ তাৰ পিছতে ইয়াৰ ফলত কেইখনমান বাণিজ্যিক বিমান প্ৰভাৱিত হয় ।
প্ৰতিৰক্ষা সূত্ৰই এএনআইক জনোৱা মতে, ইম্ফল বিমানবন্দৰৰ ওচৰৰ ইউএফঅ’ৰ বিষয়ে তথ্য পোৱাৰ কিছু সময়ৰ পিছতে ওচৰৰ বিমানঘাটিৰ পৰা এখন ৰাফেল যুঁজাৰু বিমানক ইউএফঅ’ নিৰীক্ষণৰ বাবে পঠিওৱা হৈছিল ।
উন্নত চেন্সৰেৰে সজ্জিত বিমানখনে সন্দেহযুক্ত অঞ্চলটোৰ ওপৰেৰে নিম্নস্তৰৰ উৰণ কৰি ইউ এফ অ’ বিচাৰিছিল যদিও তাত একো নাপালে বুলি তেওঁলোকে কয় আৰু প্ৰথমখন বিমান ঘূৰি অহাৰ পিছত আৰু এখন ৰাফেল যুঁজাৰু বিমান অনুসন্ধানৰ বাবে পঠিওৱা হৈছিল যদিও অঞ্চলটোৰ চাৰিওফালে ইউ এফ অ’ দেখা পোৱা নগ’ল । ইম্ফল বিমানবন্দৰৰ ওপৰত ইউ এফ অ’ৰ ভিডিঅ’ থকাৰ বাবে সংশ্লিষ্ট সংস্থাসমূহে ইউ এফ অ’ৰ সবিশেষ জানিবলৈ চেষ্টা কৰিছে বুলি তেওঁলোকে কয় ।
"ইম্ফল বিমানবন্দৰ বিমান চলাচলৰ বাবে মুকলি হোৱাৰ পিছতেই ভাৰতীয় বায়ুসেনাৰ শ্বিলং মুখ্য কাৰ্যালয় থকা ইষ্টাৰ্ণ কমাণ্ডে কয় যে তেওঁলোকে গ্ৰহণ কৰা পদক্ষেপৰ কোনো নিৰ্দিষ্ট বিৱৰণ নিদিয়াকৈয়ে নিজৰ প্ৰতিৰক্ষা সঁহাৰি ব্যৱস্থা সক্ৰিয় কৰিছে ।" ইষ্টাৰ্ণ কমাণ্ড, ইনে 'এক্স' (পূৰ্বতে টুইটাৰ)ত এটা পোষ্ট কৰি কয় ।
ইম্ফল বিমানবন্দৰৰ পৰা পোৱা দৃশ্যমান ইনপুটৰ ভিত্তিত আই এ এফে নিজৰ এয়াৰ ডিফেন্স ৰেচপন্স মেকানিজম সক্ৰিয় কৰে । তাৰ পিছত দেখা পোৱা নগ’ল সৰু বস্তুটো । ভাৰতীয় বায়ুসেনাৰ ৰাফেল যুদ্ধ বিমান পশ্চিম বংগৰ হাছিমাৰা বিমান ঘাটিত নিয়োজিত হৈ আছে আৰু চীন সীমান্তৰ পূব খণ্ডৰ বিভিন্ন বিমান ঘাটিকে ধৰি বিভিন্ন বিমান ঘাটিলৈ উৰণ প্ৰক্ৰিয়া অব্যাহত ৰাখে ৰাফেলে ।
শেহতীয়াকৈ ৰাফেল যুদ্ধ বিমানসমূহে চীন সীমান্তত বায়ুসেনাৰ মেগা অনুশীলন ‘পূৰ্বী আকাশ’তো অংশ লৈছিল য’ত সেনাবাহিনীৰ সৈন্যৰ সৈতে বাহিনীটোৰ সকলো ডাঙৰ গোটে অংশগ্ৰহণ কৰিছিল ।
লগতে পঢ়ক: ইজৰাইল-হামাছ সংঘৰ্ষ, পেলেষ্টাইনীৰ মৃত্যুৰ সংখ্যা ১৩ হাজাৰ অতিক্ৰম
