নিউজ ডেস্ক, ১৪ ছেপ্টেম্বৰ : ভাৰত আৰু ভিয়েটনামে মঙলবাৰে নতুন দিল্লীত নিৰাপত্তাৰ বিষয় সন্দৰ্ভত এক আলোচনাত মিলিত হয় (India and Vietnam talks on security issue) । উক্ত আলোচনাত সামুদ্ৰিক সুৰক্ষা সহযোগিতা বৃদ্ধিৰ উপায়ৰ বিষয়ে আলোচনা কৰে । এই বিষয়টোৰ সৈতে সম্পৰ্কিত লোকসকলে এই তথ্য প্ৰদান কৰিছে । তেওঁলোকে কয় যে, ভাৰতে আন্তৰ্জাতিক আইন অনুসৰি নৌ-চলাচল আৰু 'অভাৰফ্লাইট'ৰ স্বাধীনতাৰ বাবে দৃঢ় স্থিতিৰ কথা পুনৰ দোহাৰে ।
উক্ত উপ ৰাষ্ট্ৰীয় নিৰাপত্তা উপদেষ্টা/উপ মন্ত্ৰী পৰ্যায়ত দ্বিতীয় ভাৰত-ভিয়েটনাম নিৰাপত্তা আলোচনাত (second India Vietnam Security Dialogue) ভাৰতীয় পক্ষক নেতৃত্ব দিয়ে উপ ৰাষ্ট্ৰীয় নিৰাপত্তা উপদেষ্টা বিক্ৰম মিছৰীয়ে (Deputy National Security Advisor Vikram Misri) । আনহাতে, ভিয়েটনামৰ পক্ষক নেতৃত্ব প্ৰদান কৰে উপ জনসুৰক্ষা মন্ত্ৰী আৰু জ্যেষ্ঠ লেফটেনেণ্ট জেনেৰেল লুয়ং তাম কোৱাঙে (Lieutenant General Luong Tam Kwang) ।
ৰাষ্ট্ৰীয় সুৰক্ষা পৰিষদ সচিবালয় (National Security Council Secretariat) আৰু ভিয়েটনামৰ জন সুৰক্ষা মন্ত্ৰালয়ৰ মাজত ২০১৬ চনত স্বাক্ষৰিত এক বুজাবুজি চুক্তিয়ে তাত প্ৰতিষ্ঠানগত প্ৰণালী স্থাপন কৰে ।
উল্লেখ্য যে, ইয়াৰে উদ্বোধনী অনুষ্ঠান ২০১৮ চনৰ এপ্ৰিলত হানয়ত অনুষ্ঠিত হৈছিল । বিষয়টোৰ সৈতে জড়িত লোকসকলে কয় যে মিছৰীয়ে সামুদ্ৰিক খণ্ডক ভালদৰে পৰিচালনা, সংৰক্ষণ, ৰক্ষণাবেক্ষণ আৰু সুৰক্ষিত কৰাৰ প্ৰচেষ্টাৰ ওপৰত গুৰুত্ব আৰোপ কৰি প্ৰধানমন্ত্ৰী নৰেন্দ্ৰ মোদীৰ ভাৰত-প্ৰশান্ত মহাসাগৰীয় উদ্যোগৰ (Indo Pacific Ocean Initiative) কথা পুনৰ দোহাৰে ।
তেওঁ কয় যে, ভিয়েটনামে অঞ্চলটোত শান্তি আৰু নিৰাপত্তা বৃদ্ধিত ভাৰতৰ ভূমিকাক প্ৰশংসা কৰে । মঙলবাৰৰ আলোচনাৰ সময়ত দুয়োপক্ষই সন্ত্ৰাসবাদৰ বিৰুদ্ধে সহযোগিতা আগবঢ়াবলৈ সন্মত হয় । দুয়োপক্ষই একমত হয় যে অঞ্চলটোত মৌলবাদ, সন্ত্ৰাসবাদ আৰু ড্ৰাগছ আৰু অস্ত্ৰ উৎপাদন আৰু চোৰাং ব্যৱসায়ৰ সম্পৰ্কৰ সৈতে মোকাবিলা কৰিবলৈ সমন্বিতে প্ৰচেষ্টাৰ প্ৰয়োজন । লেফটেনেণ্ট জেনেৰেল কোৱাঙে (লেফটেনেণ্ট জেনেৰেল লুয়ং তাম কোৱাং) বৈদেশিক পৰিক্ৰমা মন্ত্ৰালয়ৰ সচিবকো (পূৱ) সাক্ষাৎ কৰে । তেওঁৰ এই ভাৰত ভ্ৰমণৰ সময়ছোৱাত বুদ্ধগয়াও ভ্ৰমণ কৰিব ।
লগতে পঢ়ক :আমেৰিকা যুক্তৰাষ্ট্ৰত উদযাপন কৰা হ’ব আজাদী কা অমৃত মহোৎসৱ
