নিউজ ডেস্ক, 1 ফেব্ৰুৱাৰী : জনতাৰ সেৱাৰ্থে নিয়োজিত হৈ আছে কেন্দ্ৰীয় ৰিজাৰ্ভ আৰক্ষী বাহিনী (CRPF) ৷ দেশৰ প্ৰতিটো প্ৰান্ততে অতি দু:সাহসিকতাৰে নিজ কৰ্তব্যত নিয়োজিত হৈ আছে এইসকল জোৱান ৷
দেশৰ CRPFৰ জোৱান সকলৰ বাবে আহিছে এক সু-খবৰ ৷ কিয়নো দেশৰ এই জোৱানসকলৰ আচৰনগত তথা মনোবৈজ্ঞানিক কাম-কাজৰ ওপৰত অধ্যয়ন কৰিবলৈ আগবাঢ়িছে লক্ষ্ণৌৰ ভাৰতীয় ব্যৱস্থাপনা প্ৰতিষ্ঠান (IIM-L) ৷
বিশেষকৈ CRPF ৰ জোৱান সকলৰ কামৰ লগতে মানসিক চাপ কমোৱাৰ বাবে এই ব্যৱস্থা ল’বলৈ আগবাঢ়িছে IIM-L ৷ যাতে CRPF ৰ জোৱান সকলে নিজ কৰ্তব্য অধিক দক্ষতাৰে সম্পাদন কৰিব পাৰে ৷
প্ৰাপ্ত তথ্য অনুসৰি, এই সন্দৰ্ভত CRPF আৰু IIM-L ৰ মাজত এক আলোচনাত মিলিত হৈ চুক্তি স্বাক্ষৰ কৰিছে ৷ এই চুক্তিত CRPFৰ সঞ্চালক এ.পি. মহেশ্বৰী আৰু IIM-L লক্ষ্ণৌৰ পৰিচালক অধ্যাপক অৰ্চনা শুক্লাই স্বাক্ষৰ কৰিছে ।
লগতে পঢ়ক : আমগুৰিত ৰাজহুৱা প্ৰেক্ষাগৃহৰ আধাৰশিলা স্থাপন
