শাসকীয় দলক সমৰ্থন নকৰা সকলৰ জীৱনৰ সুৰক্ষা বিচাৰি বিপ্লব দেৱলৈ মানিক চৰকাৰে লিখিলে পত্ৰ

ত্ৰিপুৰাৰ মুখ্যমন্ত্ৰী বিপ্লব কুমাৰ দেৱলৈ এক বিশেষ চিঠি পঠিয়াইছে প্ৰতিদ্বন্দী চিপিআইএমৰ নেতা তথা ৰাজ্যখনৰ প্ৰাক্তন মুখ্যমন্ত্ৰী মানিক সৰকাৰে ৷ চিপিআইএমৰ নেতা বেণু বিশ্বাসৰ হত্যাৰ অভিযোগৰ (alleged killing of CPIM leader Venu Biswas) তদন্তৰ বাবে উচ্চ পৰ্যায়ৰ তদন্ত কমিটী গঠনৰ দাবী কৰি তেওঁ মুখ্যমন্ত্ৰীক প্ৰশ্ন কৰে চিপিআই (এম)ক সমৰ্থন কৰাটো অপৰাধ নেকি ?

আগৰতলা, ১৫ ফেব্ৰুৱাৰী : ত্ৰিপুৰাৰ প্ৰাক্তন মুখ্যমন্ত্ৰী মানিক সৰকাৰে শেহতীয়াকৈ ৰাজ্যখনৰ বৰ্তমানৰ মুখ্যমন্ত্ৰী বিপ্লব কুমাৰ দেৱলৈ এখন পত্ৰ লিখি (Manik Sarkar writing letter to Bimplab Deb) চিপিআইএমৰ নেতা বেণু বিশ্বাসৰ হত্যাৰ অভিযোগৰ ( alleged killing of CPIM leader Venu Biswas) তদন্তৰ বাবে উচ্চ পৰ্যায়ৰ তদন্ত কমিটী গঠনৰ দাবী জনাইছে ।

পত্ৰখনত চৰকাৰে কয় যে মৃতকৰ পৰিয়ালৰ সদস্যসকলে তেওঁক জানিবলৈ দিছে যে ১০ ফেব্ৰুৱাৰীত বহু লোকৰ সন্মুখত বেনুক জয়দেৱ সৰকাৰ আৰু ৰাজনগৰ পঞ্চায়ত সমিতিৰ সদস্য, মানিক সৰকাৰ, ঝুতান চক্ৰৱৰ্তী আৰু নৰেশ চক্ৰৱৰ্তীৰ নেতৃত্বত কিছুমান বিজেপি দুৰ্বৃত্তই কমলপুৰ বজাৰত মুকলিভাৱে প্ৰহাৰ কৰি হত্যা কৰিছিল ।

তেওঁ পত্ৰখনত এইটোও দাবী কৰিছিল যে আৰক্ষীয়ে এতিয়া গোচৰটো বেলেগ ধৰণে প্ৰস্তুত কৰিবলৈ চেষ্টা কৰি আছে যাতে এইটো হত্যা হিচাপে প্ৰতিষ্ঠা নহয় (Manik Sarkar writing to CM against Tripura police) ।

প্ৰাক্তন মুখ্যমন্ত্ৰী চৰকাৰে মুখ্যমন্ত্ৰী বিপ্লৱ দেৱক প্ৰশ্ন কৰিছিল যে চিপিআই (এম)ক সমৰ্থন কৰাটো অপৰাধ নেকি ? তেওঁলোকৰ জীৱনৰ অধিকাৰ কিছুমান সন্ত্ৰাস প্ৰিয় লোকৰ দয়াৰ ওপৰত নিৰ্ভৰ কৰে নেকি ? শাসকীয় দলক সমৰ্থন নকৰা লোকসকলৰ জীৱন ৰক্ষা কৰিবলৈ দেশৰ আইন বলবৎ কৰিব পাৰিনে বুলিও প্ৰশ্ন কৰে মানিক চৰকাৰে ৷

লগতে পঢ়ক : হিমন্ত বিশ্ব শৰ্মা পুলিচৰ সেনাপতি আখ্যা সাংসদ অজিত কুমাৰ ভূঞাৰ