গান্ধীনগৰ,12 নৱেম্বৰঃ কেভাদিয়া কলনীত ষ্টেচু অফ ইনিটি আনুষ্ঠানিকভাৱে উদ্ধোধন কৰাৰ পিচতে প্ৰধানমন্ত্ৰী নৰেন্দ্ৰ মোদীয়ে ঘোষণা কৰিছিল যে, সেই স্থানত জাতি গঠনৰ বিষয়ে গুৰুত্বপূৰ্ণ আলোচনা তথা সভা সমিতি আদি অনুষ্ঠিত হ'ব৷ প্ৰধানমন্ত্ৰীৰ ঘোষণা অনুসৰি অহা 24 নৱেম্বৰৰ পৰা 26 নৱেম্বৰলৈকে ষ্টেচু অফ ইউনিটিত অধ্যক্ষ সন্মিলন অনুষ্ঠিত হ'ব ৷
এই অধ্যক্ষ সন্মিলনত দেশৰ বিভিন্ন ৰাজ্যৰ পৰা আইন সভা পৰিষদৰ অধ্যক্ষ ও সচিব সকল উপস্থিত থাকিব ৷ এই সন্মিলনত আইনসভা পৰিষদৰ কাৰ্যকাৰিতা আৰু কাৰ্যক্ৰম সম্পৰ্কত আলোচনা কৰা হ'ব ৷
অনুষ্ঠানত সভাপতিত্ব কৰিব লোকসভাৰ অধ্যক্ষ ওম বিৰলাই ৷ এক সুত্ৰ অনুসৰি বিভিন্ন ৰাজ্যৰ আইনসভা সমিতিৰ বক্তাসকলে তেওঁলোকৰ উপস্থিতিৰ কথা নিশ্চিত কৰিছে৷ প্ৰধান মোদীয়ে ভিডিঅ' কনফাৰেন্সৰ যোগেদি সন্মিলন খনত ভাষণ প্ৰদান কৰিব ৷
অধ্যক্ষ সন্মিলনখন ৰাষ্ট্ৰপতি ৰামনাথ কোবিন্দে উদ্ধোধন কৰাৰ সম্ভাৱনা আছে ৷ আনহাতে এই সন্মিলনত উপস্থিত থকা বিভিন্ন ৰাজ্যৰ পৰা অহা প্ৰতিনিধি সকলক 26 নৱেম্বৰৰ দিনা ষ্টেচু অফ ইউনিটি ফুৰোৱা হ'ব ৷ অধ্যক্ষ সন্মিলনত অংশগ্ৰহণ কৰিব লগা সকলো প্ৰতিনিধিৰ ভ্ৰমণ ব্যয় আৰু আনুসংগিক খৰচ গুজৰাট চৰকাৰে বহন কৰিব ৷
লগতে চাওকঃ আলফা(স্বা)ৰ উপমুখ্য সেনাধ্যক্ষ দৃষ্টি ৰাজখোৱাৰ আত্মসমৰ্পণ
