মুম্বাই,২০ ডিচেম্বৰ : বলীউডৰ মোহময়ী অভিনেত্ৰী সুস্মিতা সেনে ডিজনী+ হটষ্টাৰত প্ৰচাৰিত ৱেব চিৰিজ আৰ্য়াত কৰা অভিনয়ৰ বাবে প্ৰথমবাৰৰ বাবে ফ্লিমফেয়াৰ অটিটি এৱাৰ্ডছ ২০২০ ৰ সন্মান লাভ কৰে ৷ ৱেব চিৰিজটোত কৰা অভিনয়ৰ বাবে অভিনেত্ৰীগৰাকীয়ে শ্ৰেষ্ঠা অভিনেত্ৰীৰ সন্মান লাভ কৰিবলৈ সক্ষম হৈছে ৷
প্ৰাক্তন মিছ ইউনিভাৰ্ছ গৰাকীয়ে এটি ভিডিঅ’ ক্লিপ ইনষ্টাগ্ৰামত শ্বেয়াৰ কৰি অনুৰাগীসকলৰ মাজত এই খবৰ প্ৰকাশ কৰে ৷ জীয়ৰী ৰিণি সেনৰ সৈতে দেখা এই ভিডিঅ’টোত সুস্মিতাই প্ৰকাশ কৰে যে, এই এৱাৰ্ড লাভে অভিনেত্ৰীগৰাকীৰ "কামবেক" অৰ্থাৎ প্ৰত্যাৱৰ্তন সম্পূৰ্ণ কৰিলে ৷ আৰিয়াক এনেদৰে মৰম যাঁচাৰ বাবে অনুৰাগীসকলক ধন্যবাদ জ্ঞাপন কৰে সুস্মিতাই ৷
তদুপৰি আৰিয়া পৰিয়ালক ধন্যবাদ জনাই "ব্লেক লেডী"ক পৰিয়ালটোলৈ উৎসৰ্গিত কৰে ৷ অভিনেত্ৰীগৰাকীৰ পিতৃৰ ওপজাদিনত এই খবৰ লাভ কৰাৰ বাবে পিতৃৰ বাবে এয়া শ্ৰেষ্ঠ উপহাৰ বুলি গণ্য কৰে ৷
সুস্মিতা সেন অভিনীত আৰিয়াৰ সহ নিৰ্মাতা সন্দীপ মোডী আৰু ৰাম মাধৱানী ৷ আৰিয়া ভাৰতীয় অপৰাধমূলক নাট্য চিৰিজ পেঞ্জাৰ আধাৰত নিৰ্মিত ৷
লগতে পঢ়ক : সাৱধান : সুন্দৰী যুৱতী নামিছে গাড়ী চুৰি কাৰ্যত !
