নেশ্য়নেল ডেস্ক, ৬ ছেপ্তেম্বৰ: প্ৰৱৰ্তন সঞ্চালকালয়ে(Enforcement Directorate raid in Dilhi)মঙলবাৰে পুৱা দিল্লী এনচিআৰত(National Capital Region)দিল্লী আবকাৰী নীতিৰ গোচৰৰ সন্দৰ্ভত নতুনকৈ অভিযান আৰম্ভ কৰিছে । উল্লেখ্য় যে ইডিয়ে এতিয়ালৈকে দিল্লী এনচিআৰ, উত্তৰ প্ৰদেশ আৰু হাৰিয়ানাকে ধৰি ৩০ টাতকৈও অধিক স্থানত একেটা ঘটনাৰ সন্দৰ্ভত অভিযান চলাইছে । তদুপৰি মহাৰাষ্ট্ৰৰ মুম্বাই, কৰ্ণাটকৰ বাংগালুৰু আৰু তেলেংগানাৰ হায়দৰাবাদকে ধৰি অন্যান্য স্থানসমূহো শেহতীয়াকৈ সংস্থাটোৱে অভিযান চলাই আছে ।
উল্লেখ্য় যে ইডিয়ে যোৱা মাহত দিল্লীৰ উপ-মুখ্যমন্ত্ৰী মনীষ চিছোদিয়া(Deputy Chief Minister Manish Sisodia)আৰু অন্যান্যসকলৰ সৈতে জড়িত দিল্লী আবকাৰী নীতিৰ অনিয়মৰ তদন্তৰ বাবে ধন আত্মস্য়াতৰ গোচৰ ৰুজু কৰিছিল । চিবিআইৰ এজাহাৰৰ ওপৰত ভিত্তি কৰি পিছত ধন আত্মস্য়াৎ প্ৰতিৰোধ আইনৰ(Money Laundering Act) অপৰাধী ধাৰাৰ অধীনত গোচৰটো দাখিল কৰিছিল । এই গোচৰত চিছোদিয়া আৰু আন ১৪ জনৰ নাম উল্লেখ কৰা হৈছিল ।
উল্লেখ্য় যে দিল্লীৰ উপ-মুখ্যমন্ত্ৰী মনীষ ছিছোদিয়া আৰু আন ১২ জন লোকৰ বিৰুদ্ধে আবকাৰী নীতি কেলেংকাৰি সংক্ৰান্তত চি বি আয়ে নিৰ্দেশনা জাৰি কৰিছিল । এই আটাইকেইজন অভিযুক্তক বিদেশ যাত্ৰাৰ ক্ষেত্ৰতো নিষেধাজ্ঞা আৰোপ কৰা হৈছিল । চি বি আয়ে দিল্লীৰ উপ-মুখ্যমন্ত্ৰী মনীষ চিছোদিয়াৰ বাসগৃহসহ বিভিন্ন চহৰৰ ৩১ টা স্থানত তালাচী চলাইছিল । CBIএ দিল্লী আবকাৰী নীতি কেলেংকাৰী সংক্ৰান্তত আন ৫ জন লোকক জেৰা কৰাৰ বাবে সংস্থাটোৰ মুখ্য কাৰ্যালয়ত হাজিৰ হ'বলৈ নিৰ্দেশ দিছিল । চিবিআইয়ে ১৯ আগষ্টত দিল্লীৰ উপ-মুখ্যমন্ত্ৰী চিছোদিয়াৰ দিল্লীৰ বাসগৃহত ১৪ ঘণ্টা ধৰি অভিযান চলাইছিল।
ৰাষ্ট্ৰীয় ৰাজধানী অঞ্চল (এনচিআৰ) হৈছে ভাৰতৰ দিল্লীৰ ৰাষ্ট্ৰীয় ৰাজধানী অঞ্চল(এনচিটি)ক কেন্দ্ৰ কৰি এক পৰিকল্পনা অঞ্চল । ই দিল্লী আৰু ইয়াৰ চাৰিওফালে থকা কেইবাখনো জিলা হাৰিয়ানা, উত্তৰ প্ৰদেশ আৰু ৰাজস্থান ৰাজ্যৰ পৰা অন্তৰ্ভুক্ত কৰে । এই অঞ্চলটোৰ উন্নয়নৰ পৰিকল্পনা কৰিবলৈ আৰু অঞ্চলটোত ভূমি-ব্যৱহাৰ নিয়ন্ত্ৰণ আৰু আন্তঃগাঁথনিৰ বিকাশৰ বাবে সু-সংগত নীতি বিকশিত কৰিবলৈ 1985 চনত এনচিআৰ আৰু সংশ্লিষ্ট ৰাষ্ট্ৰীয় ৰাজধানী অঞ্চল পৰিকল্পনা ব'ৰ্ড(National Capital Region Planning Board) প্ৰস্তুত কৰা হৈছিল । এনচিআৰৰ বিশিষ্ট চহৰসমূহৰ ভিতৰত আছে দিল্লী,ফৰিদাবাদ, গাজিয়াবাদ, গুৰুগ্ৰাম আৰু নয়ডা ।
লগতে পঢ়ক:বিজেপিৰ সদস্যক হানি খুচি নৃশংস হত্যা
