নিউজ ডেস্ক, 12 নৱেম্বৰ : ৰাষ্ট্ৰসংঘৰ মজিয়াত তিব্বতৰ প্ৰসংগ উত্থাপনৰ প্ৰয়োজনীয়তা আছে আৰু ভাৰতে ইয়াক সজোৰে উত্থাপন কৰিব লাগে ৷ 21 শতিকাৰ অতিকে ধৃণনীয় বিষয় হৈছে তিব্বতৰ গণহত্যা আৰু ইয়াক ভাৰতৰ বাহিৰে আন কোনোৱে ৰাষ্ট্ৰসংঘৰ মজিয়াত উত্থাপন কৰিব নোৱাৰে ৷ 1950 চনত চীনক তিব্বত অধিগ্ৰহণ কৰিবলৈ দি কংগ্ৰেছ দলে এক মোক্ষম পাপ সংঘটিত কৰিছে আৰু ইয়াৰ পৰা উদ্ধাৰ পাবলৈ প্ৰধানমন্ত্ৰী মোডীয়ে বিষয়টো ৰাষ্ট্ৰসংঘৰ মজিয়াত উত্থাপন কৰাৰ প্ৰয়োজন আছে ৷
হিমাচল প্ৰদেশৰ প্ৰাক্তন মুখ্যমন্ত্ৰী শান্তা কুমাৰে প্ৰধানমন্ত্ৰী নৰেন্দ্ৰ মোডীলৈ এক পত্ৰ প্ৰেৰণ কৰি এই তথ্য উল্লেখ কৰে ৷
"চীন সমগ্ৰ বিশ্বৰ বাবে এক ভাবুকি হৈ পৰিছে আৰু লাডাখত অনাধিকাৰ প্ৰৱেশ কৰিছে ৷ ভাৰতে চীনৰ পৰাই তীব্ৰ ভাবুকিৰ সন্মুখীন হৈছে ৷ আজিৰ দিনত সমগ্ৰ বিশ্বই চীনক একাষৰীয়া কৰিছে ৷ এয়া ভাৰতৰ বাবে এক সোণালী সুযোগ আৰু ইয়াৰ দ্বাৰা ভাৰতে 1950 কৰা ভূল শুধৰাই ল'ব লাগে ৷" পত্ৰখনত এইদৰে উল্লেখ কৰে শান্তা কুমাৰে ৷
হিমাচলৰ প্ৰাক্তন মুখ্যমন্ত্ৰীগৰাকীয়ে লগতে তিব্বতৰ ধৰ্মগুৰু দালাই লামাক ভাৰতৰত্ন প্ৰদানৰ বাবেও প্ৰধানমন্ত্ৰীলৈ পত্ৰযোগে আহ্বান জনাইছে ৷
লগতে পঢ়ক : পাকিস্তানৰ শীৰ্ষ সন্ত্ৰাসবাদী হাফিজ চৈয়দৰ মুখপাত্ৰক 32 বৰ্ষৰ বাবে জেললৈ প্ৰেৰণ
