নেশ্যনেল ডেস্ক, ৫ মে': হিমাচল প্ৰদেশত সংঘটিত হৈছে ডাৱৰ বিস্ফোৰণৰ ঘটনা ৷ ৰাজ্যখনৰ চাম্বা জিলাৰ মেহলা খণ্ডত ডাৱৰ বিস্ফোৰণ হোৱাৰ ফলত সৃষ্টি হৈছে প্ৰৱল বৃষ্টিপাতৰ । উক্ত অঞ্চলত একেৰাহে হৈ থকা বৰষুণৰ ফলত স্তব্ধ হৈ পৰিছে জনজীৱন ৷ কেইবাটাও বাসগৃহ, পথ ক্ষতিগ্ৰস্ত বৃষ্টিপাতৰ ফলত ।
ইয়াৰোপৰিও, ধাৰাসাৰ বৰষুণৰ ফলত অঞ্চলটোত ভূমিস্খলন হয় । যাৰ ফলত উক্ত অঞ্চলটোত যান-বাহনৰ চলাচল স্তব্ধ হৈ পৰে । বৰষুণত চাহো-পালিউৰ নামৰ নৈখনৰ জলস্তৰ বৃদ্ধি পোৱাত চাম্বা চহৰৰ পৰা প্ৰায় ২০ কিলোমিটাৰ দূৰত অৱস্থিত কানেৰ গাঁওখন সম্পূৰ্ণৰূপে বুৰাই পেলায় । অৱশ্যে, এতিয়ালৈ কোনো লোক হতাহত হোৱাৰ খবৰ লাভ কৰা নাই ।
লগতে পঢ়ক: পশ্চিমবংগৰ নিৰ্বাচনী হিংসাৰ বাবে টিএমচিক সমালোচনা বিজেপিৰ
