নেশ্যনেল ডেস্ক, 10 নৱেম্বৰ : কেন্দ্ৰীয় তদন্তকাৰী সংস্থাই (চিবিআই) হাথৰছ কাণ্ডৰ তদন্তৰ ৰিপোৰ্ট দাখিল কৰাৰ সম্ভাৱনা আছে 25 নৱেম্বৰত ৷ এলাহাবাদ উচ্চ ন্যায়ালয়ৰ লক্ষ্নৌ বিচাৰক মণ্ডলীয়ে চিবিআইক এই ৰিপোৰ্ট প্ৰদান কৰিবলৈ নিৰ্দেশ প্ৰদান কৰিছে ৷
উল্লেখ্য যে, 14 ছেপ্তেম্বৰত উত্তৰ প্ৰদেশৰ হাথৰছ জিলাৰ এগৰাকী 19 বৰ্ষীয় দলিত যুৱতীক ধৰ্ষণ কৰিছিল চাৰি লোকে ৷ ঘটনাৰ পাচতে যুৱতীগৰাকীক দিল্লীৰ ছফডৰজং হাস্পতালত 28 ছেপ্তেম্বৰত ভৰ্তি কৰোৱা হৈছিল যদিও 29 ছেপ্তেম্বৰৰ দিনা হাস্পতালতে তেওঁ প্ৰাণ হেৰুৱাইছিল ৷
বৰ্তমানলৈকে অভিযুক্ত সন্দীপ সিং, ৰবী, ৰামু আৰু লৱকুশ শিকাৰৱাৰক আৰক্ষীয়ে আটক কৰিছে ৷ দিল্লীৰ আলিপুৰ জেলত ৰখা হৈছে অভিযুক্ত চাৰিজনক ৷
লগতে পঢ়ক : অনাথ আশ্ৰমৰ শিশুৱে গৰুৰ গোৱৰ ব্যৱহাৰেৰে প্ৰস্তুত কৰিলে বন্তি-মূৰ্তি
