নিউজ ডেস্ক, ৪ জুন : বিদেশত আত্মগোপন কৰি থকা বিজয় মালিয়াই ভাৰতলৈ আহিবলৈ বিচাৰিছে যদিও বিশেষ কিছু আইনী প্ৰক্ৰিয়াৰ বাবে ভাৰতলৈ আহিবলৈ অনুমতি পোৱা নাই । বৃহস্পতিবাৰে ভাৰতৰ ব্ৰিটিছ হাই কমিচনাৰৰ মুখ্যপাত্ৰ গৰাকীয়ে জনোৱা অনুসৰি,তেওঁৰ বিৰুদ্ধে যুক্তৰাষ্ট্ৰীয় আইনৰ অধীনৰ আইনী সমস্যা সমাধান নোহোৱা পৰ্যন্ত ভাৰতলৈ আহিব নোৱাৰে । তেখেতে আকৌ জনাই যে,তেওঁৰ বিৰুদ্ধে চলি থকা যুক্তৰাষ্ট্ৰীয় আদালতৰ গোচৰ কেতিয়া নিস্পৃত্তি হ'ব সেই সম্পৰ্কেও কোনো ধৰণৰ ধাৰণা নাই বুলি মুখপাত্ৰ গৰাকীয়ে উল্লেখ কৰে । কিন্তু তেওঁলোকে সেই গোচৰ অনতিপলমে নিস্পৃত্তি কৰাৰ বাবে চেষ্টা চলাই থকা বুলি উল্লেখ কৰে ।
উল্লেখযোগ্য যে,বিজয় মালিয়া ভাৰত প্ৰত্যাৱৰ্তনৰ বাবে যুক্তৰাষ্ট্ৰীয় আদালতত আপিল কৰা হৈছিল । পৰৱৰ্তী আইনী প্ৰক্তিয়া সমাপ্ত হ'লেই ভাৰতলৈ প্ৰত্যাৱৰ্তন কৰিব পাৰিব বুলি মুখপাত্ৰ গৰাকীয়ে উল্লেখ কৰে ।
লগতে পঢ়ক : সামাজিক দুৰত্বক ভেঙুচালি কৰি বানাক্ৰান্ত ৰাইজৰ খবৰ ল'লে ৰাজনৈতিক নেতাই
