নিউজ ডেস্ক, 24 জানুৱাৰী : দেওবাৰে দুটা পৃথক নিচাযুক্ত দ্ৰব্য বিৰোধী অভিযানত নিচাযুক্ত সামগ্ৰী সহ দুজন সৰবৰাহকাৰীক গ্ৰেপ্তাৰ কৰে গোৱা আৰক্ষীয়ে ৷ শনিবাৰে নিশা এজন সৰবৰাহকাৰীক গ্ৰেপ্তাৰ কৰা বিপৰীতে আনজন সৰবৰাহকাৰীক দেওবাৰে পুৱা গ্ৰেপ্তাৰ কৰা হয় বুলি আৰক্ষীৰ সুত্ৰই জানিবলৈ দিছে ৷
আৰক্ষীৰ সু্ত্ৰই সদৰি কৰা মতে, প্ৰথম অভিযানত অবধুত ঘ'ডে নামৰ 21 বছৰীয়া যুৱকজনক শনিবাৰে নিশা গোৱাৰ কেলাঙ্গুটে আঞ্চলত আটক কৰা হয় ৷ যুৱক জনৰ পৰা 1 লাখ 20 হাজাৰ মূল্যৰ 1.2 কিলোগ্ৰাম গাঞ্জাৰ জব্দ কৰে আৰক্ষীয়ে ৷
ইফালে দ্বিতীয়টো অভিযানত একেটা অঞ্চলৰ পৰা 19 বছৰীয়া ছবিৰ আলি শ্বাহ নামৰ আন জন সৰবৰাহকাৰীক দেওবাৰে পুৱা আটক কৰে আৰক্ষীয়ে ৷ সৰবৰাহকাৰী জনৰ পৰা 1 লাখ টকাৰ মূল্যৰ 1 কিলোগ্ৰাম গাঞ্জা জব্দ কৰা হয় বুলি গোৱা আৰক্ষীয়ে সদৰি কৰিছে ৷ ছবিৰ আলি ঘৰ পশ্চিম-বংগত ৷
উল্লেখ্য যে, অধিক তথ্য সন্ধানত দুয়োজন সৰবৰাহকাৰীক সোধ-পোছ অব্যাহত ৰাখিছে গোৱা আৰক্ষীয়ে ৷
লগতে পঢ়ক: সৰ্বানন্দ সোণোৱালক ত্যাজ্য পুত্ৰ ঘোষণা সদৌ অসম ছাত্ৰ সন্থাৰ
