নিউজ ডেক্স , 31 অক্টোবৰঃ সামাজিক সংযোজন মাধ্যম টুইটাৰে বন্ধ কৰিলে সকলো ধৰণৰ ৰাজনৈতিক বিজ্ঞাপন ৷ টুইটাৰ কৰ্তৃপক্ষই উল্লেখ কৰে যে, সামাজিক মাধ্যমসমূহে বিভ্ৰান্তিমূলক বাৰ্তা সমূহ প্ৰেৰণৰ ক্ষেত্ৰত যথেষ্ট সুবিধা দিয়ে ৷
অক্টোবৰ মাহত ফেচবুক কৰ্তৃপক্ষই মন্তব্য কৰিছিল যে, ফেচবুকত ৰাজনৈতিক নেতা সকলৰ অভিযান সমূহৰ কোনো ধৰণৰ সত্যাসত্য নিৰূপণ কৰা নহয় যিয়ে নেতা সকলক মুকলিকৈ মিছা কোৱাৰ এখন মঞ্চ প্ৰদান কৰে ৷ সম্প্ৰতি ৰাজনৈতিক বিশ্লেষকসকলেও ফেচবুকত ৰাজনৈতিক বিজ্ঞাপন বন্ধ কৰাৰ আহ্বান জনাইছে ৷
টুইটাৰৰ সঞ্চালক জেক ডৰছেই বুধবাৰে টুইটাৰযোগে স্বীকাৰ কৰে যে, আন মাধ্যম সমূহতকৈ সামাজিক সংযোজন মাধ্যমসমূহে অভিসন্ধিমূলক বাতৰি প্ৰকাশৰ ক্ষেত্ৰত অধিক অৰিহণা আগবঢ়াই আহিছে ৷
উল্লেখযোগ্য যে , যোৱা ছেপ্তেম্বৰ মাহত আমেৰিকাৰ প্ৰাক্তন উপ-ৰাষ্ট্ৰপতি তথা ডেমক্ৰেটিক দলৰ ৰাষ্ট্ৰপতি পদৰ প্ৰাৰ্থীত্ব প্ৰয়াসী জ' বিবেন সম্পৰ্কত ড'নাল্ড ট্ৰাম্পে মন্তব্য কৰা এটা ভিডিঅ' টুইটাৰ , ফেচবুক তথা গুগুলে নিজ মাধ্যমৰ পৰা আঁতৰাবলৈ অসন্মত হৈছিল ৷ এই ঘটনাৰ পাছতেই সামাজিক মাধ্যমৰ পৰা ৰাজনৈতিক প্ৰচাৰ তথা বিজ্ঞাপন বন্ধ কৰাৰ বিষয়টোৱে গুৰুত্ব লাভ কৰিছিল ৷
লগতে পঢ়কঃ বীৰ শ্বহীদ পদুম বাহাদুৰ শ্ৰেষ্ঠৰ আদ্যশ্ৰাদ্ধ সম্পন্ন
