নিউজ ডেস্ক, 25 ডিচেম্বৰ: শেহতীয়া এক সমীক্ষাৰ পৰা জানিব পৰা মতে, বৰ্তমানলৈকে মুকলিত পেলাই দিয়া একক ব্যৱহৃত প্লাষ্টিকৰ জাবৰৰ পৰিমাণ ভূ-পৃষ্ঠক প্ৰায় তিনিবাৰ আৱৰিবৰ বাবে যথেষ্ট ৷ প্লাষ্টিকৰ পচন ঘটাবৰ বাবে পৃথিৱীত যথেষ্ট পৰিমাণৰ তাপমান আৰু চাপ নাই,যাৰ ফলত হাজাৰ হাজৰ বছৰ ধৰি প্লাষ্টিক ইয়াৰ নিজৰ অৱস্থাতে থাকে ৷
একক ব্যৱহৃত প্লাষ্টিকৰ দ্বাৰা সংঘটিত পৰিৱেশৰ দুৰ্যোগ দেখা পায়, প্ৰধান মন্ত্ৰী নৰেন্দ্ৰ মোডীয়ে দেশৰ জনসাধাৰণক প্লাষ্টিকৰ ব্যৱহাৰ বন্ধ কৰিবলৈ আহ্বান জনাইছে ৷ এই আহ্বানত অনুপ্ৰাণিত হৈ মধ্যপ্ৰদেশৰ মান্দালা জিলাৰ কণ্ঠশিল্পী,গীতিকাৰ শ্যাম বৈৰাগীয়ে সজাগতাৰ বাবে এটি গীত ৰচনা কৰি নিজে কণ্ঠদান কৰিছে ৷ গীতৰ শিৰোনাম হৈছে "গাড়ীৱালা আয়া ঘৰ চে কচ্চৰা নিকাল" ৷ প্লাষ্টিকৰ ভয়াৱহতা সম্পৰ্কে সজাগতা সৃষ্টিৰ ক্ষেত্ৰত সহায় কৰা বাবে ই টি ভি ভাৰক ধন্যবাদ জনায় শ্যাম বৈৰাগীয়ে ৷ তেখেতে কয় যে, "ই টি ভি ভাৰতে মোৰ কণ্ঠক ভাৰতৰ প্ৰতিটো কোণলৈ লৈ গৈছে ৷ গুজৰাটত অনুষ্ঠিত এটা অনুষ্ঠানত প্ৰধানমন্ত্ৰী মোডীয়ে দেশবাসীক অনুৰোধ জনাইছিল প্লাষ্টিক ব্যৱহাৰ নকৰিবলৈ ৷ তেখেতে মোক প্লাষ্টিক সম্বন্ধে লিখিবলৈ অনুপ্ৰাণিত কৰিছে ৷ কেৱল ভাৰতৰ বাবেই নহয়, সমগ্ৰ বিশ্বৰ বাবেই প্লাষ্টিক বিপদজ্জনক" ৷
শ্যাম বৈৰাগীয়ে বৰ্তমানলৈকে প্ৰায় 36 টাতকৈও অধিক গীত ৰচনা কৰিছে ৷ তেওঁৰ প্ৰতিটো গীতে চৰকাৰৰ বিভিন্ন আঁচনি,প্ৰচাৰ,গাঁওবাসীয়ে ভুগি থকা ৰোগ সমূহৰ বিষয়ে সজাগতা সৃষ্টি কৰে ৷ একক ব্যৱহৃত প্লাষ্টিক বৰ্জনৰ বাবেও তেখেতে এটা গীত ৰচনা কৰিছে ৷ শ্যাম বৈৰাগীয়ে কয় যে,প্লাষ্টিকৰ বিৰুদ্ধে যদি শীঘ্ৰে যুদ্ধ ঘোষণা কৰা নহয়,তেন্তে সেই দিনটোলৈ বেছি দূৰ নাই য'ত এক ইঞ্চি স্বচ্ছ ভূমিৰ বাবে মানুহে যুঁজ কৰিব লাগিব ৷
লগতে পঢ়কঃছ'চিয়েল মিডিয়া ব্যৱহাৰ কৰোতে সাৱধান! চৰকাৰী কৰ্মচাৰীলৈ চৰকাৰৰ কঠোৰ সকীয়নি
