নিউজ ডেস্ক,৮আগষ্ট: আৰক্ষী সূত্ৰই জানিবলৈ দিয়া অনুসৰি, উত্তৰ প্ৰদেশৰ মুখ্যমন্ত্ৰী গৰাকীৰ নয়দা ভ্ৰমণৰ প্ৰতি লক্ষ্য ৰাখি নয়দাত জাৰি কৰা হৈছে ১৪৪ ধাৰা ।
অতিৰিক্ত আৰক্ষী আয়ুক্ত ৰণ বিজয় সিঙে সদৰি কৰা মতে, মুখ্যমন্ত্ৰীগৰাকীৰ নয়দা ভ্ৰমণৰ প্ৰতি লক্ষ্য ৰাখি নয়দাত জাৰি কৰা হৈছে ১৪৪ ধাৰা । এই সময়চোৱাত কোনো লোকে উৰাব নোৱাৰিব ড্ৰোণ । মুখ্যমন্ত্ৰীৰ এই ভ্ৰমণৰ সময়ত চহৰখনত অতিৰিক্তভাৱে নিয়োগ কৰা হৈছে ১৫ গৰাকীকৈ ৰাজপত্ৰিত বিষয়াৰ লগতে ৭০০তকৈ অধিক চিপাহী চন্তৰী । তাৰোপৰি ক'ভিড-১৯ৰ স্ক্ৰিনিঙৰ মাজেৰে পাৰ হৈহে লোক উপস্থিত হ'ব পাৰিব ক'ভিড-১৯ৰ চিকিৎসালয় উদ্ধোধনৰ অনুস্থানত ।
উত্তৰ প্ৰদেশত মহামাৰী ক'ৰণাৰ বৰ্ধিত সংক্ৰমণৰ বাবে নয়দাৰ গৌতম বুদ্ধ নগৰৰ চেক্টৰ ৩৯ত মুখ্যমন্ত্ৰী গৰাকীয়ে উদ্ধোধন কৰিব এই ক'ভিড-১৯ চিকিৎসালয়খন । ইয়াৰ এদিন পূৰ্বে শুক্ৰবাৰে মুখ্যমন্ত্ৰী যোগী আদিত্যনাথে জিলাখনত বৰ্তমানৰ মহামাৰী ক'ৰণাৰ স্থিতি সম্পৰ্কে বহুকেইগৰাকী জন প্ৰতিনিধিৰ লগত এক আলোচনাতো মিলিত হৈছিল ।
ৰাজ্যিক স্বাস্থ্য বিভাগে অৱগত কৰা মতে, জিলাখনত শুক্ৰবাৰে নতুনকৈ ক'ভিড আক্ৰান্ত হৈছিল ৬১ গৰাকী ব্যক্তি । বৰ্তমান সক্ৰিয় হৈ থকা ক'ভিড আক্ৰান্তৰ সংখ্যা হৈছে ৯০৬ টা । ইতিমধ্যে ৪,৮৫৭ গৰাকী লোক ক'ভিড-১৯ৰ পৰা সুস্থ হৈ উঠাৰ বিপৰীতে মৃত্যু হৈছে ৪৩ গৰাকী ক'ভিড আক্ৰান্তৰ । জিলাখনত বৰ্তমানলৈকে আক্ৰান্তৰ সংখ্যা হৈছে ৫,৮০৬গৰাকী ।
স্বাস্থ্য বিভাগৰ তথ্য অনুযায়ী, উত্তৰ প্ৰদেশত বৰ্তমানলৈকে ক'ভিড-১৯ত আক্ৰান্তৰ সৰ্বমুঠ সংখ্যা হৈছে ১,০৮,৬১৪টা । ইয়াৰে ৪৩,৬৫৪টা সক্ৰিয়, ৬৩,৪০২টা সুস্থ আৰু ১,৯১৮টা মৃত্যুৰ ঘটনা ঘটিছে ।
