নিউজ ডেস্ক, 13 মে': দিল্লী চৰকাৰে লক ডাউন শিথিল কৰা সন্দৰ্ভত জনতাৰ পৰা পৰামৰ্শ বিচাৰিছিল । পৰামৰ্শ বিছৰাৰ কেইঘণ্টামানৰ পাচতে লক্ষাধিক পৰামৰ্শ আহিছে । প্ৰায় তিনি লাখ মেছেজ, 5000 ই মেইল আৰু 25,000 ফন কল ৰেকেৰ্ড কৰাৰ কথা জনাইছে অৰবিন্দ কেজৰিৱালে ।
অধিকাংশ পৰামৰ্শতে লক ডাউনৰ সময়সীমা 17 মে'ৰ পাচত বৃদ্ধি কৰাৰ কথা উল্লেখ আছে । কিন্তু এই ক্ষেত্ৰত কিছু শিথিলতা দিয়াৰ কথাও উল্লেখ কৰিছে ।
কেজৰিয়ালে কয় যে, লক্ ডাউন সম্পৰ্কে জনতাৰ কি ৰায় সেই বিষয়ে জানিব বিছাৰিছিলে দিল্লীৰ চৰকাৰে ।
কেজৰিয়ালে সকলো জনতাকে মাস্ক পিন্ধা, সামাজিক দূৰত্ব বৰ্তাই ৰখাৰ লগতে আন আন নিয়ম সমূহ মানি চলিবলৈ আহ্বান জনাইছে ।
জনতাৰ পৰা লক ডাউন সম্পৰ্কে মতামত বিচাৰি কেজৰিয়ালে WhatsAppৰ বাবে 8800007722 , ফোনৰ বাবে 1031 আৰু delhicm.suggestions@gmail.com ইমেইল আইডি মুকলি কৰি দিছিল ।
