নেশ্যনেল ডেস্ক, ৩অক্টোবৰ : কেন্দ্ৰীয় অনুসন্ধানকাৰী সংস্থাৰ জালত বিহাৰৰ পশু খাদ্য কেলেংকাৰীৰে জড়িত প্ৰাক্তন আৰক্ষী অধীক্ষক এন এম পি সিন্হা । তদন্তকাৰী সংস্থাটোৰ বিষয়াই শনিবাৰে প্ৰকাশ কৰা তথ্য অনুসৰি বিহাৰৰ পশু খাদ্য কেলেংকাৰিৰ তদন্তৰ দায়িত্বত থকা সংস্থাটোৰ বিষয়াৰ দলত এন এম পি সিন্হাও আছিল । সমগ্ৰ ঘটনাক গাপ দিয়াৰ বাবদ ২৫ লাখ টকা উৎকোচ লোৱাৰ অভিযোগত গোচৰ ৰুজু হৈছিল প্ৰাক্তন আৰক্ষী অধীক্ষকগৰাকীৰ বিৰুদ্ধে । উল্লেখ্য যে, এন এম পি সিন্হাই চলিত বৰ্ষৰ আগষ্ট মাহত অৱসৰ গ্ৰহণ কৰিছে। ইয়াৰ পূৰ্বে তেওঁ কেন্দ্ৰীয় অনুসন্ধানকাৰী সংস্থাৰ আৰ্থিক অপৰাধ শাখাৰ আৰক্ষী অধীক্ষক আছিল ।
লগতে পঢ়ক : ৰহস্যৰ আৱৰ্তত কৰিমগঞ্জৰ লংগাই নৈত উদ্ধাৰ হোৱা মৃতদেহৰ হত্যাকাণ্ড
