নিউজ ডেস্ক, ৪ ফেব্ৰুৱাৰী: ভাৰত আৰু চীনৰ সংঘাত চলি থকাৰ মাজতে ভাৰতীয় বায়ু সেনাৰ মুৰব্বী ৰাকেশ কুমাৰ সিং ভাডাউৰিয়াৰ এক গুৰুত্বপূৰ্ণ মন্তব্য় । ভাৰত-চীন সীমান্তত পৰ্যাপ্ত পৰিমাণে সকলো শক্তি মোতায়ন কৰা হৈছে । তেওঁৰ মতে ভাৰতত ৰাফেল বিমান অন্তৰ্ভূক্ত হোৱাৰ লগে লগে চীনা শিবিৰত প্ৰচণ্ড উদ্বেগৰ সৃষ্টি হৈছে যাৰ বাবে ভাৰত সীমান্তত চীনে জে-২০ যুঁজাৰু বিমান মোতায়ন কৰিছে । সীমান্তৰ পৰিস্থিতি সন্দৰ্ভত উল্লেখ কৰি তেওঁ কয় যে বৰ্তমান আলোচনা চলি আছে । প্ৰয়োজন অনুসৰি বিভিন্ন স্থানত সেনা মোতায়ন কৰাৰ লগতে যদি আলোচনা সঠিক দিশত নাযায় তেনেহলে যিকোনে পৰিস্থিতিৰ বাবে ভাৰতীয় সেনা প্ৰস্তুত বুলিও মন্তব্য় কৰে ।
লাডাখ অঞ্চলত চীনা পক্ষৰ দ্বাৰা পুলবেকৰ প্ৰতিবেদনৰ ওপৰত ভাডাউৰিয়াই কয় যে চীনৰ ফালৰ পৰা বিমান মোতায়নৰ ক্ষেত্ৰত কিছুমান পুলবেকৰ খবৰ আহিছে । কিন্তু তেওঁলোকৰ বায়ু প্ৰতিৰক্ষা ক্ষমতা শক্তিশালী কৰাৰ দৰে কিছুমান কাৰ্যপন্থা হাতত লোৱা দেখা গৈছে । তেওঁলোকে ইয়াৰ ক্ষেত্ৰত মোতায়ন হ্ৰাস কৰা নাই বৰঞ্চ শক্তিশালীহে কৰিছে । প্ৰকৃতাৰ্থত যি দেখা যায় সেই হিচাপে মোতায়ন অথবা তৎপৰতা বৃদ্ধিৰ ক্ষেত্ৰত গুৰুত্ব দিয়ে বুলিও কয় বায়ু সেনাৰ মুৰব্বী গৰাকীয়ে ।
