নিউজ ডেস্ক , ৩১ জানুৱাৰী : উত্তৰ কাশ্মীৰৰ সংগ্ৰামা অঞ্চলত উদ্ধাৰ বৃহৎ পৰিমাণৰ অস্ত্ৰ আৰু বিস্ফোৰক সামগ্ৰী । দেওবাৰে এখন দোকানৰ পৰা আৰক্ষীয়ে উদ্ধাৰ কৰে এই মাৰাত্মক সামগ্ৰীখিনি । এজন অভাৰ গ্ৰাউণ্ড কৰ্মীক সোধাপোছা কৰাৰ পিছতে আৰক্ষীয়ে এই সামগ্ৰী খিনি দোকানখত লুকাই থোৱাৰ তথ্য় লাভ কৰিছিল । আৰক্ষীয়ে অভিযান চলাই দোকানখনৰ পৰা এটা পিষ্টল, ২০ ৰাউণ্ড গুলী আৰু পাঁচটা গ্ৰেনেড উদ্ধাৰ কৰে । আৰক্ষীয়ে এই সন্দৰ্ভত এটা গোচৰ ৰুজু কৰিছে আৰু তদন্ত অব্য়াহত ৰাখিছে ।
উল্লেখ যে অভাৰ গ্ৰাউণ্ড কৰ্মীসকল হৈছে যিসকলে জম্মু আৰু কাশ্মীৰৰ উগ্ৰপন্থীসকলক লজিষ্টিক সমৰ্থন, নগদ ধন, আশ্ৰয় আৰু অন্যান্য আন্তঃগাঁথনি প্ৰদানত সহায় কৰে । আৰক্ষীৰ মতে কৰ্মীজনক শেহতীয়াকৈ বাদিপোৰাত গ্ৰেপ্তাৰ কৰা হৈছিল ।
