নেশ্যনেল ডেস্ক, ১১ জুন: হিমাচল প্ৰদেশৰ মন্দীস্থিত পান্দোহ বান্ধৰ পৰা ব্যাস নদীত পানী এৰি দিয়াৰ ফলত ভয়াৱহ পৰিস্থিতিৰ সৃষ্টি হৈছে আৰু সেই হেতুকে হিমাচল চৰকাৰ কৰ্তৃপক্ষই বিশেষকৈ পৰ্যটকৰ সজাগতাৰ প্ৰতি লক্ষ্য ৰাখি চলাচলৰ নিষেধাজ্ঞা জাৰি কৰে ।
শক্তিশালী ব্য়াস নদীৰ পানী কুল্লু, মন্দী, হমীৰপুৰ আৰু কাংগৰা জিলাৰ মাজেৰে বৈ গৈ হিমাচল প্ৰদেশ আৰু পঞ্জাৱৰ সীমান্তত অৱস্থিত পং বান্ধত পৰে,যিটো বান্ধক মহাৰাজা প্ৰতাপ সাগৰ নামেৰে জনা যায় । এই জলৰাশিয়ে ৰোহতং পাছকো স্পৰ্শ কৰে । এই ভয়াৱহ পৰিস্থিতিৰ বাবে লোকসকলক ব্যাস নদীৰ কাষলৈ যাবলৈ বাধা দিয়ে জিলা প্ৰশাসনে ।
