নিউজ ডেস্ক, ২৫ মাৰ্চ : " আমি পূৰ্বতকৈ অধিক শক্তিশালী হৈ উঠিছো, আমাৰ সৱল স্থিতিৰ সন্মুখত তিষ্ঠিব নোৱাৰি একগোট হৈছে আটাইকেইটা বিৰোধী দল" এই মন্তব্য কেন্দ্ৰীয় পথ পৰিবহণ দপ্তৰৰ মন্ত্ৰী নিতিন গাডকাৰীৰ । আগন্তুক লোকসভা নিৰ্বাচনৰ পূৰ্বে কংগ্ৰেছ আৰু আন আন বিৰোধী দলসমূহৰ মাজত হোৱা প্ৰাক নিৰ্বাচনী মিত্ৰতা সন্দৰ্ভত প্ৰতিক্ৰিয়া প্ৰকাশ কৰি এইদৰে কয় মন্ত্ৰীগৰাকীয়ে ।
সোমবাৰে সাংবাদিকৰ সৈতে হোৱা এক সাক্ষাৎকাৰত তেওঁ কয় যে, যদিহে আমাৰ অৱস্থা পূৰ্বৰ দৰে থাকিলহেতেন তেন্তে বিৰোধী দল সমূহ কেতিয়াও একত্ৰিত নহ'ল হয় । একগোট নহ'লে শাসনৰ গাদী দখল কৰাটো যে সম্ভৱ নহয়, সেই কথা প্ৰত্যকটো ৰাজনৈতিক দলে বাৰুকৈয়ে উপলব্ধিকৰিছে । কেৱল মাত্ৰ ক্ষমতা দখলৰ স্বাৰ্থত এতিয়া আদৰ্শতগত বিভেদ থকা স্বত্তেও একেখন মঞ্চত একেলগ হৈছে বিৰোধী শিবিৰ ।
উল্লেখ্য যে, নাগপুৰ লোকসভা সমষ্টিৰ পৰা প্ৰতিদ্বন্দিতা কৰিব কেন্দ্ৰীয় মন্ত্ৰীগৰাকীয়ে । নিতিন গাডকাৰীৰ নাম 21 মাৰ্চত বিজেপিৰ দ্বাৰা প্ৰকাশিত প্ৰথমখন প্ৰাৰ্থী তালিকাতে সন্নিবিষ্ট কৰা হৈছিল ।
