নিউজ ডেস্ক, 23 মাৰ্চ : ফালাহ-ই- ইন্সানিয়ত নামৰ বিচ্ছিন্নতাবাদী সংগঠনৰ লগত জড়িত থকাৰ অভিযোগত তিনিজন লোকৰ বিৰুদ্ধে চাৰ্চশ্বীট দাখিল কেন্দ্ৰীয় অনুসন্ধানকাৰী সন্থা (নিয়া )ৰ ৷
মহম্মদ ছলমান,মহম্মদ চলিম আৰু মহম্মদ কামৰান নামৰ লোক তিনিজনৰ বিৰুদ্ধে শুকুৰবাৰে নিয়াই দাখিল কৰে চাৰ্চশ্বীট ৷ ফালাহ-ই-ইন্সানিয়তে 2012 চনত শ্লিপাৰ চেলৰ জৰিয়তে ভাৰতত কূটাঘাত সংঘটিত কৰিবলৈ ৰচা অভিসন্ধিত জড়িত হৈ আছিল এই লোক তিনিজন ৷ ধৰ্মীয় প্ৰতিষ্ঠান, মছজিদ, মাদ্ৰাছা বিদ্যালয় ইত্যাদিৰ আঁৰ লৈ ভাৰতত কূটাঘাতৰ পৰিকল্পনা ৰচিছিল ফালাহ-ই- ইন্সানিয়তৰ প্ৰধান হাফিজ চইদ আৰু চাহিদ মহম্মদে ৷
নিয়াই প্ৰকাশ কৰা অনুসৰি, হাৱালা চেনেলৰ যোগেদি পাকিস্তান আৰু ডুবাইৰ পৰা ভাৰতলৈ ধন আৱণ্টন কৰিবলৈ চাহিদ মেহমুদে নিৰ্দেশ প্ৰদান কৰিছিল মহম্মদ কামৰানক ৷ এই ধনৰ জৰিয়তে ভাৰতত ফালাহ-ই- ইন্সানিয়তৰ খোপনি মজবুত কৰিবলৈ ধৰ্মীয় প্ৰতিষ্ঠান নিৰ্মাণৰ নিৰ্দেশ প্ৰদান কৰিছিল মেহমুদে ৷ ধৰ্মীয় প্ৰতিষ্ঠান নিৰ্মাণ কৰি শ্লিপাৰ চেলৰ জৰিয়তে ভাৰতত কূটাঘাতৰ পৰিকল্পনা ৰচিছিল সংগঠনটোৱে ৷
